SU DUOS DE LÀMPADAS IN COSTERA

Semus ammanizende una bessida in ue amus a bìdere e
visitare Monte Rasu  e s'àrea de Sos Nìbberos
(http://www.sardegnaambiente.it/j/v/152?s=8479&v=2&c=7191&t=1)
reconnòschidu comente unu "monumento naturale"
chi faghet parte de sa foresta demaniale de Monte Pisanu.
A pustis nos amus a frimmare a "Sa Marghine" in ue
s' assòtziu "Su Connotu" nos at ammaniare su màndigu.
Pro partetzipare tocat de s'iscrìere lassende su nùmene, su
sambenadu e
sa cuota de 15 € (pro su màndigu) in s'Istitutu Bellieni intro
de mèrcuris 29 de maju.
Adòbiu a sas 9 de mangianu in su distributore AGIP chi
s'agatat in sa Carrela Budapest in Tàtari gasi tzucamus
totus umpare. 
Acudide in medas, nos amus a ispassiare!

LIBROS SARDOS A S' INDONU

Benide a nos agatare in sa sede nostra
(Carrela Maddalena,35 Tàtari) e bos amus
a donare unos cantos libros publicados dae
nois.
Nos agatades dae su lunis a su gioja dae sas
deghe a sa una de mangianu e dae sas
chimbe a sas sete e mesa de sero.
Bos aisetamus in meda.

Su 26 de Abrile in s' Archiviu de Istadu de Nùgoro s' isportellu

linguìsticu at ammaniadu unu aboju chin sos piseddos de

s'iscola pro faeddare de Sa die de sa Sardigna.

Sa Diretora de s' Archiviu Angela Orani e sas operadoras

Maria Antonietta Piga e Gianfranca Selis  sunt istadas cuntentas

mannas pro s'andamentu de sa die.

Su coordinamentu iscientìficu de sas atividades est de s' Istitutu

de istudios e chircas "Camillo Bellieni" de Tàtari.

Sezis totus cumbidados su 22 de Martzu a sas sete de sero in sa Biblioteca comunale de Uri a sa presentada de su libru de Michele Pinna " I luoghi dell'anima".

Ant a interbènnere:

Su Sìndigu: Gennaro Galzerano

S'Assessore a sa Cultura: Manuela Cherchi

S'Autore: Michele Pinna