Lunedì 29 Giugno 2009 16:55
Author: Dolores 
Share this
Twitter
Myspace
Digg
Del.icio.us
Yahoo
Diigo
Ma.Gnolia
Smarking
Googlize this
Blinklist
Facebook
Wikio
Export PDF
Print
E-mail
Non dipendèntzia, indipendèntzia, federalismu
Sas istrategias noas de su sardismu pro essire dae s'istatalismu betzu cara a un' unidade republicana noa chi incomintzet dae su bassuDe Micheli Pinna
Su Partidu Sardu de Atzione pensende a su congressu natzionale chi at a èssere tra pagu, a meidade de santugaine, in prus de torrare a bìdere totu s'istatutu suo at a tèssere sa dibata a inghìriu a unu de sos temas fundamentales de sa chistione sardista, e tzentrale in sa dibata polìtica pro torrare a definire su raportu intre sa Sardigna e s'Itàlia, ma, intre sa Sardigna e s'Europa e su mundu. Est istadu custu su tema postu a s'òrdine de sa die de su Consìgiu Natzionale chi s'est tentu sàpadu 27 in Bìrori. Sos interbentos, totu a una boghe in s'esigèntzia de dare unu mandadu nou polìticu a sa dirigèntzia chi nd'at a essire dae su cungressu, in prus a si dare istruturas organizativas noas, a pustis finas de sas eletziones pro su rennou de su consìgiu regionale chi bidet su P.S.d'Az, in majoria, ant bogadu a campu sa netzessidade de fàghere unu cungressu non de congiutura ma unu cungressu istratègicu capassu de pònnere in mesu a sa dibata polìtica isulana su problema de sa riforma de s'istatutu regionale e su ruolu chi sa Sardigna at a deper àere in sos orizontes noos de un'Istadu federale cun su cale, pragat o nono, a pustis de s'aprovatzione a sa Càmera e a su Senadu de sa lege subra su federalismu fiscale, s'ant a dèpere fàghere sos contos. Non -dipendèntzia o Indipendèntzia? Indipendèntzia e/o soberania e/o federalismu? Sunt paràulas chi torrant a s'intèndere in su limbàgiu sardista. A s'ispissa non si cumprendent luego. Pro calecunu podent apàrrere isfumaduras lessicales, sinonimias s'una in s'àtera, dissimulatziones. Penso, pro custu, chi unu pagu de craresa andet fata. Su tèrmine “non -dipendèntzia” no est contra a su tèrmine “dipendèntzia” ebbia. Si fiat istadu gasi diat èssere sufitziente impreare “Indipendèntzia”, meda prus simple e econòmicu subra su pianu linguìsticu e subra cussu cuntzetuale. Subra su pianu de s'atzione polìtica, però, ogni obietivu de persighire implicat s'inditu de unu caminu e de modalidades pro lu segudare. Pro custu si su P.S.d'Az. est indipendentista, comente dae semper l'est, a su mancu dae su seberu fatu in Portu Turres a pustis, su problema chi si ponet, tando, est comente e ite fàghere, pro chi sa Sardigna siat indipendente. Indipendente subra su pianu econòmicu, sotziale polìticu dae s'Istadu italianu. Si cumprendet custu o nono? Si custu est, creo chi si non cherimus trampare nen sos àteros nen nois e totu, depimus sebestare unu puntu de fortza comune chi nos incaminet. Custu però si su P.S.d'Az est unu partidu patzifista e riformista, chi refudat sa gherra e cale si siat forma de soversione violenta de sas istitutziones democràticas, ma chi gherrat pro las mudare in totu in s'impiantu issoro chi est de s'Otighentos e giacobinu, su primu passu depet èssere cussu de una riforma radicale de s'Istatutu sardu. S'Istatutu de torrare a iscrìere, duncas, at a deper èssere un'Istatutu chi introduat, puntu pro puntu, sos elementos fundamentales de sa non dipendèntzia nostra. Est s'istatutu, chi at a dèpere inditare sas cuotas de Soberania, chi sa Regione-Istadu tenet pro a issa e si cussa chi dimandat a àteras entidades subraordinadas comente s'Istadu ma finas sutaordinadas (naramus puru gasi, puru si una bisione noa no at a dèpere èssere pròpiu gasi) comente Comunes e Provìntzias. Est s’istatutu chi at a dèpere inditare sos ispàtzios de indipendèntzia e de dipendèntzia chi sa regione cheret istabilire siat cun sos Comunes e sas Provìntzias (cunsiderende chi custas ùrtimas apant unu sensu) siat comente s’istadu italianu, si de s’Istadu Italianu si tratat, siat comente s’Europa, siat cunforma a àteras relatziones internatzionales. Est ladinu chi sos lìmites de sas soberanias istatutàrias no ant a poder istabilire intro orizontes chi tèngiant contu de sas cunditziones polìticas de oe, de sas cunditziones culturales intro sas cales nos movimus, de sas cunditziones internatzionales de sa polìtica e de s’economia, ma finas, e est cosa de non pagu contu, de consièntzia e de su livellu de consientizatzione de sa classe dirigente sarda e de su tzetu polìticu. Duncas una prima dibata s’at a dèpere abèrrere pròpiu subra sas cunditziones, sas possibilidades e sos lìmites de un’Istatutu de Soberania nou, chi siat in gradu de aviare sa Sardigna, pro mèdiu de unu caminu progressivu de conchistas e de ispàtzios de non-dipendèntzia, a cara a una indipendèntzia semper prus manna. Indipendèntzia chi no at a dèpere essere assunta, duncas, nen comente unu dògma ideològicu, nen comente unu fetìtziu de venerare, ma comente orizonte intro su cale collocare e ratzionalizare, pro mèdiu de formas polìticu-istitutzionales legìtimas, cumpatìbiles e chi si potzant fàghere, finas subra su pianu internatzionale, sos cuntènnidos de una forma noa de tzvilidade e de unu istare modernu in su mundu a su cale aspirant sas populatziones sardas. S’indipendèntzia non s’achirit, duncas, nen pro slogan, nen pro decretu. Est su casu de nàrrere chi sos consigeris sardistas, ant a dèpere èssere detzisos e sighire in custa batalla, si cherent chi su ruolu issoro bèngiat cunsideradu. Est su partidu sardu de Atzione at a dèpere leare a manera sèria, intro custa majoria de guvernu, su ruolu de ghia e de fortza polìtica de rennoamentu istitutzionale beru, in prus de ideale e morale. Sa credibilidade s’at a giogare in custu terrinu, si nono, s’ant a poder fàghere totus sas mesturas e mudòngios chi si cherent fàghere, ma comente si narat, non nd’amus a bogare cabu. Sas eletziones amministrativas imbenientes pro su rennou de Provìntzias e Comunes at a dèpere tènnere contu, in custu tretu, de paritzos livellos de dibata. Cantos Sìndigos e cantos Presidentes de provìntzia nos depimus imbarare? Custu est unu problema chi andat afrontadu, ma, si non leamus a sa sèria su pro ite e su comente s’at a deper fàghere cun Sìndigos e sos Presidentes sardistas creo chi amus a poder àere totus sos Sìndigos e totus sos Presidentes chi s’ant a chèrrere ma, nudda, o agiomai nudda, at a mudare cunforma a in antis.
Comments