Festa de sa Limba mama

Festa de sa Limba mama
by

Su 21 de freàrgiu est sa “Festa de sa limba mama” chi promovet sa diversidade linguìstica e culturale e su multilinguismu.

In s’ocasione sa R.A.S – Assessoradu de s’ Istrutzione pùblica, Benes culturales, Informatzione, Ispetàculu e Isport ammaniat duos adòbio: unu in Tàtari e unu in Casteddu.

Tàtari – Àula Lessing de su Dipartimentu de Iscièntzias Umanìsticas e Sotziales de s’Universidade de Tàtari, dae sas 10:30 a sas 13:30: “Sa trasmissione intergeneratzionale de sa limba. Iscolas e famìlias a cunfrontu”.

Saludos de su Magnìficu Retore de s’Universidade de Tàtari Prof. Massimo Carpinelli, de su Diretore de su Dipartimentu de Iscièntzias Umanìsticas e Sotziales Prof. Aldo Maria Morace, de su Sìndigu de Tàtari Nicola Sanna.

Ant a intervènnere: su Prof. Fiorenzo Toso, Ordinàriu de su Dipartimentu de Iscièntzias Umanìsticas e Sotziales, su Prof. Michele Pinna, insinnante e Diretore Iscientìficu de s’Istitutu de Istùdios e Chircas “Camillo Belieni”, su Prof. Giovanni Strinna, Chircadore de su Dipartimentu de Iscièntzias Umanìsticas e Sotziales, su Prof. Mauro Maxia, Assotziadu de linguìstica e filologia italiana e sa Dut.ra Giuliana Portas, Esperta e insinnante de limba catalana.

Sighit sa dibata cun babbos e mamas, educadores, insinnantes, isportellistas e dirigentes iscolàsticos.

Congruos de s’Assessore Regionale a s’ Istruzione pùblica, Benes culturales, Informatzione, Ispetaculu e Isport Giuseppe Dessena.

In s’interi de su mangianu s’at a esibire su coro de istudentes “Città di Sassari”.

Sa partecipatzione at a èssere certificada cun unu atestadu.

 

Casteddu – MEM dae sas 10:30: “Su scusòrgiu de sa limba”

Programma: giocos linguisticos, “Ajo a su Siddadu” Chirca de su siddadu linguìstica pro pitzinnos, Projezione film a incuru de s’isportellu linguìsticu regionale in collaboratzione cun sa Cineteca sarda.

 

Bos isetamus in medas in Tàtari!

 

Share