Ideas e protagonistas de s’indipendentismu europeu

Ideas e protagonistas de s'indipendentismu europeu
by

Ideas e protagonistas de s’indipendentismu europeu

Tàtari, 21 de Trìulas de su 2018 – Villino Ricci, viale Dante n. 2, dae sas 9.00 de mangianu

Giai in s’istiu de su 2012 s’Istitutu de Istùdios e Chircas “Camillo Bellieni” at promòvidu e postu in òpera in S’ Alighera unu cunvegnu internatzionale de istùdios in susu de “Sas natziones sena Istadu in Europa”. (A custu link si podet bìdere carchi vìdeo de sos interventos https://www.youtube.com/playlist?list=PLdwGCn7-z4XwN7JTukxWaA3-EZeuMztdH)

Ocannu amus a fàghere un’àteru cunvegnu “Ideas e protagonistas de s’indipendentismu europeu” cun s’augùriu chi potzat divènnere un’abboju annuale.

Sa punna de s’atòbiu, promòvidu paris e cun su contributu de sa Coppieters Foundation, est cussu de frunire informatziones e formatziones subra sas lìneas istòrico-teòricas de s’indipendentismu europeu in sas variedades diversas: dae cussas autonomistas a manera moderada, a cussas federalistas, a cussas natzionalistas a manera radicale; contare sa nàschida e sa crèschida de sas ideas – e s’istòria polìtica de sos protagonistas– chi ant determinadu sos movimentos indipendentistas de sas Natziones europeas sena Istadu, comente sa Sardigna, sa Corsica, s’Iscòtzia, s’Aragona, su Galles, sos Paeses Bascos, sas Fiandras, sa Catalogna e sa Galìtzia.

Ant a partetzipare a sa cunferèntzia reladores internatzionales, italianos e sardos*:

Ettore Beggiato, Veneto (giai Consigeri Regionale)

Antonia Luciani, Corsica (Femu a Corsica-Arritti)

Antonello Nasone, Sardigna (Istitutu Bellieni)

Michele Pinna, Sardigna (Istitutu Bellieni)

Alan Sandry, Galles (Universidade de Swansea)

Vincent Scheltiens, Fiandras (Universidade de Anversa)

 

Sa cunferèntzia at a èssere puru un’ocasione de anàlisi de su chi est sutzessu  dae pagu in Europa pro costruire una visione polìtica comune a tutus sos movimentos pro s’indipendèntzia e finas pro incomintzare a nde faeddare puru cun cussas fortzas polìticas chi non sunt indipendentistas ma chi diant pòdere ammustrare sensibilidade a cussa prospetiva.

Ant a èssere istràngios sos rapresentantes de su mundu polìticu sardu de diversa ispiratzione e apartenèntzia chi ant a intervènnere in susu a su tema: “Conditziones de un’indipendentismu possìbile“:

Manuel Alivesi (Commissàriu provintziale FI), Maurilio Murru (Capu grupu a sa Comuna de Tàtari “Movimento 5 stelle”), Silvio Lai (giai Consigeri Regionale e Senadore PD), Paolo Maninchedda (giai Consigeri Regionale e Assessore, Segretàriu de su PDS) , Cristian Solinas (Senadore, Segretàriu de su PSD’Az)

Ant a moderare sa cunferèntzia Attilio Pinna e Salvatore Taras.

PROGRAMMA

A sas 9.00 Registratzione de sos partetzipantes e cunsigna de sas cùfias pro sa bortadura immediada

A sas 9.30 incomintzu de sos traballos. Saludos e presentatzione a incuru de sa Presidente Maria Doloretta Lai, de su Diretore Iscientìficu Michele Pinna e de su Referente pro S’ Is.Be de sa Coppieters Foundation Antonello Nasone.

Dae sas 10.00 interventos de sos reladores e de sos rapresentantes polìticos sardos.

Antonia Luciani, Còrsica (Femu a Corsica-Arritti): “Protagonistas de su natzionalismu corsu ”

Interventos programmados subra su tema “Conditziones de un indipendentismu possìbile

11.30 Pàusa gafè

Alan Sandry, Galles ( Universidade de Swansea): “Nàschida e evolutzione de su natzionalismu de sas Natziones sena Istadu in su Regnu Unidu”

Interventos programmados  subra su tema “Conditziones de un’indipendentismu possìbile

13:30 Pàusa pro bustare

Dae sas 3.00 de sero  interventos de sos reladores e de sos rapresentantes polìticos sardos.

Ettore Beggiato, Veneto, (giai Consigeri Regionale): “Sa cuestione Veneta”

Interventos programmados subra su tema “Conditziones de un’indipendentismu possìbile

Vincent Scheltiens, Fiandras (Universidade de Anversa): “Sa polìtica indipendentista Fiamminga a sa lughe de sa isperièntzia catalana retzente. Una cumparatzione istòrica-politica”

 

Congruos de Michele Pinna e Antonello Nasone.

*Tutus sos interventos ant a èssere bortados dae s’italianu a s’inglesu e dae s’inglesu a s’italianu gràtzias a su servìtziu de  bortadura immediada. In antis de su comintzu de su cunvegnu, moende dae sas 9, at a èssere possìbile a si registrare a s’intrada e retzire sas cùfias pro pòdere impreare su servìtziu.

Share

Àteros chi ti podent interessare