Cursu de Formatzione Arta PRO OPERADORES LINGUÌSTICOS CULTURALES II Editzione

Cursu de Formatzione Arta PRO OPERADORES LINGUÌSTICOS CULTURALES II Editzione
by

Sunt abertas sas iscritziones a su
CURSU DE FORMATZIONE ARTA PRO OPERADORES LINGUÌSTICOS CULTURALES II Editzione.

OBIETIVU
Formare professionistas de su setore linguìsticu, culturale e de sa comunicatzione (tradutores, animadores, insignantes, giornalistas, progetistas), frunende cumpetèntzias in sos àmbitos chi sighint: limbas, literadura, istòria, geografia, arte, cultura, diritu, comunicatzione, organizatzione.

PRO CHI EST PENSADU
Laureados in matèrias umanìsticas e de sa comunicatzione e/o traballadores de su setore.

ISTRUTURA DE SU CURSU
Curriculum generale de 50 oras +
1 Curriculum de indiritzu da seberare tra 3 (20 oras): Curriculum Didàticu; Curriculum Operadore de Ufìtziu linguìsticu; Curriculum Comunicatzione giornalìstica e ràdio televisiva in sardu.

PERIÒDU
Dae su 24 de Làmpadas a Nadale
Su sàbadu dae sas 15 a sas 19 su Curriculum Generale
Sa chenàbura, su sàbadu e sa domìniga dae sas 15 a sas 19 sos Curriculum de indirìtzu

RECHISIDOS DE AMMISSIONE
Laurea, nessi triennale, o àere esperièntzia lavorativa in su setore linguìsticu culturale; cumpetèntzia ativa e passiva de sa limba sarda e de s’inglese, a prus de s’italianu.
Sos rechisidos ant a èssere averiguados cun s’ esàminu de su CV e cun unu collòchiu chi punnat a atzertare sas cumpetèntzias linguìstico-culturales àpidas e sas motivatziones e capatzidades de fundu.
Sos CV podent èssere imbiados a: istitutobellieni@gmail.com

INSIGNANTES
Prof. Michele Pinna
Dut.ra Maria Doloretta Lai
Dut.ra Daniela Masia
Dut. Salvatore Taras
Dut. Stefano Alberto Tedde
Pràticas bonas: testimònias de espertos e operadores chi ant a contare s’esperièntzias issoro de crèschida professionale e de traballu.

CULTURA EST

Totu su chi pertocat sa vida de s’òmine, siat cando traballat siat cando s’ispassiat.
Sa limba, s’istòria, sas artes, sos ispàssios, su traballu, su màndigu, sas pregadorias, sos càntigos, sa literadura, sa poesia, sa bestimenta, sos paesàgios.
Sa cultura est a l’ischire trasmìtere a sos àteros a manera de nos fagher connòschere e de nos fagher apressiare.

Pro fàghere custu bi cherent pessones cumpetentes e istruidas a dovere, chi siant a gradu de connòschere sos cuntenutos e sas tècnicas pro los trasmìtere.

Custu cursu de Formatzione Arta est pensadu pro dare risposta a totu custos bisòngios, aunende sa calidade de sos insignamentos in àula e sas esperièntzias pràticas chi sunt importantes meda.

 

Pro informatziones e iscritziones e pro retzire sa brochure con totu sas informatziones e sas matèrias insignadas
email: istitutobellieni@gmail.com
cramare a su 079/230268 (dae lunis a chenàbura dae sas 10 a s’1 de mangianu)
o benide in sa sede nostra Carrera Maddalena, 35 Tàtari

Share

Àteros chi ti podent interessare