In sos logos de Angioy: Ossi

by

Torrant a comintzare sos biàgios nostros in su caminu fatu dae Angioy; biddas, carreras e bias camineras chi ant connotu sos fatos famados a su tempus de sa sarda rivolutzione.
In custa tapa, sa de chimbe, de “In sos logos de Angioy” amus a iscobèrrere s’istòria de Ossi, tzentru de sa regione istòrica de Coros, e de sos personàgios prus importantes.

Mòvidu dae Tissi, Angioy, si fiat tratesu in domo de su preìderu Ambrosu Piras, a l’isetare agatat inie totu sa bidda, pronta a mòvere paris a issu a cara a Casteddu.

Durante cussa permanèntzia,si puru curtza, in domo de Piras, Angioy aiat retzidu bìsitas afetuosas de persones importantes e nòdidas in sa cumbata famada. Tra custas persones importante bi fiant finas s’abogadu Gian Ànghelu Tola e su nòbile Giuanne Serra de Itiri Cannedu. Dae inoghe Angioy e su sègudu suo, semper prus mannu, atopant Tiesi su 4 de làmpadas, moende a cara de Casteddu.

Pustis de sa falta de Angioy, s’ispàrghinat sa nova de un atacu contra sa bidda de Ossi e sos frades Maurìtziu e Giusepe Serra chircant de organizare paris a sos rebellos acudidos dae sas biddas lacanantes, un’alleàntzia pro sighire sa rebellia: non ant tentu tempus ca sa tropa de prus 160 sordados giutos dae sos delegados don Ignàtziu Musso e don Nigola Guiso òcupat su bidditzolu. Fiat su 11 de austu 1796.

Francesco Virdis benit impresonadu ca est crètidu su primu organizadore de su chimentu contra a su feudatàriu.

Tra su 1796 e su 1800 medas fiant istados sos agioyanos impresonados fiant medas de Ossi. Sunt istados protzessados don Giuanne Serra e su cavalieri Frantzicu Virdis, chi benit cunfinadu in sa su dominàrgiu de Cossoine

Nointames chi su tempus di timoria e orrores de sa bidda de Ossi fiat resèssida a otènnere s’abolitzione de una parte de sos deretos feudales comporados dae su Duca a su tempus de sa rebellia, comente testimoniadu dae sos documentos notarile de sos primos annos de s’Otighentos.

PAesaggio Ossi-Istituto Bellieni

PROGRAMMA

Sighint a nos giùghere tra sos contos, paristòrias e visitas ghiadas Antonello NasoneIstevene A. Tedde e Giuseppina Ruggiu.

A sas 10 atopamus a su Palatzu Baronale chi forsis est istada sa residèntzia de su feudàriu locale e oe est sa sede de su Consìgiu comunale e de su Museu tzìvicu e de sa tziviltade de sas massajos.

Palazzo baronale Ossi-Istituto Bellieni   Muse etnografico Ossi-Istituto Bellieni

 

 

 

 

 

 

 

A sas 11.15 : Vìsita de crèsia manna de Santu Bàrtulu fraigada in su sèculu su de XVI subra sas ruinas de unu tèmpiu de s’edade de mesu

Parrocchia San Bartolomeo Ossi-Istituto Bellieni

 

 

 

 

 

 

 

 

11.45 Bìsita de su Munitzìpiu  (sa presone baronale de tando), amus a intrare Intro ‘idda, sa parte prus antiga de Ossi

12.00 Amus a passare in sas camineras chi ant connotu sos passos de su grupu angioyanu e su chimentu tra sos ossesos e sas tropas de su re

 

 

 

 

 

13.00 Nos firmamus pro mandigare

15.00 Bìsita Àrea archeològica de Sa Mandra de sa giua in ue agatamus su nuraghe complessu e su bidditzolu suo

Villaggio Nuragico Sa mandra de sa giua Ossi-Istituto Bellieni Villaggio Nuragico Sa mandra de sa giua Ossi-Istituto Bellieni

 

 

 

 

16.30 Bìsita a sa crèsia de campagna de su setighentos de Santa Vittoria, fraigada in su sèculu XVI Chiesa rurale di Santa Vittoria Ossi-Istituto Bellieni Chiesa rurale di Santa Vittoria Ossi-Istituto Bellieni

 

 

 

 

 

 

 

 

17.30 Recuida

Bos isetamus su 30 de cabudanni, a sas 10 in su Palatzu Baronale de Ossi. Pro chie parti dae Tàtari non addobiamus a tzentru Monserrat in ue si parchègiat, in bia Budapest a sas 09:30 de mangianu.

Pro informatzione e prenotatziones (si pagat 20 èuros per òmine): 3662085483 Giuseppina; o iscriende a istitutobellieni@gmail.com

Share