Presentada de su libru “Ricordi di un’infanzia felice tra Ogliastra e Logudoro” de Cecilia Contu

Presentada de su libru "Ricordi di un'infanzia felice tra Ogliastra e Logudoro" de Cecilia Contu
by

Sàbadu 1 de nadale, paris cun s’ Ufìtziu de sa Limba sarda de s’Unione de sos comunes de s’Ogiastra e s’amministratzione comunale de Àrthana, presentamus su libru “Ricordi di un’infanzia felice tra Ogliastra e Logudoro“, de  Cecilia Contu.

S’autora, sighende s’àndala de is ammentos suos, faghet unu retratu de is logos e de is personàgios  chi issa at connòtu cando fiat pisedda, de is annos de sa gioventude sua passada tra Lanusè, Àrthana, bidda de su babbu e Codrongianus, bidda de sa mama. In cust’òpera donat a nois e a is prus giòvanos de nois, a sa gioventudi de oe, una testimonia de cussa chi fiat sa Sardigna tra is annos ‘40 e ‘50, una Sardigna iscambada dae sa guerra, cun su màndigu ratzionadu, is isfollados e totu is dificultades de sa ricostrutzione. Su libru donat a is giòvanos sa possibilidade de connòschere un’Ogiastra chi oramai non nch’est prus e a is betzos de torrare a bìvere momentos e usàntzias oramai isparidas.

Pro chie ddu leghet, su libru est comente a una secuèntzia de fotografias pigadas de is ogros incantados de una pipia chi càstiat su mundu, ma torradas a elaborare cun su sentidu de unu mannu, sena però nde leare nudda a cussa  mirada innetzente de is pitzocheddos.

Intervenint:
Marco Melis, 
S’ndigu de Àrthana
Michele Pinna, Diretore Is.Be
Ivan Marongiu, Ufìtziu Limba Sarda
Cecilia Contu,
autora de su libru

 

Bos isetamus  sàbadu 1 de nadale, Sala de su Consìgiu comunale de Àrthana, a sas 6 de sero.

 

 

Share

Àteros chi ti podent interessare