Disterrados de eris e de oe

Disterrados de eris e de oe
by

S’Istitutu Bellieni, in su mese de maju 2017, at coordinadu sas atividades de su progetu “Disterrados de eris e de oe” in collaboratzione cun s’ Istitutu IANAS de Tortolì.
29 sunt sos istudiantes chi ant partetzipadu, IV A Istitutu de Agrària (professora referente Emanuela Valurta) e IV A e IV B de s’IPSIA (Referente Professora Laura Piazza), pro 24 oras. Su tema tratadu at pertocadu su problema de sas migratziones partende dae s’anàlisi de s’ esìliu Angioyanu (1796-1808), finidu in Parigi, pustis de chi su movimentu antifeudale sardu fiat fallidu, de su cales Giuanne Maria Angioy, originàriu de Bono, fiat istadu s’ ispiradore e s’ànima, pro passare a sas migratziones in chirca de unu traballu a cara de sas Amèricas, s’Austràlia, s’Europa, a cara a su su Nord de s’ Itàlia finas a mòvida de custos tempos chi bident sos pròfugos e sos chi fuint dae s’Àfrica lòmpere in s’Ìsula.

Atividades cumpridas in tres partes diferentes:

1)letziones frontales subra s’istòria e sa cultura antropològica de su Setighentos in Sardigna in Europa, acumprida a su Dut. Ivan Marongiu;
2)laboratòriu subra sas “fontes istòricas” pro s’ anàlisi de sos documentos, atos notariles, “nòtulas”, cartolàriu, crònacas giornalìsticas subra sa mòvida dae s’otighentos a su tempus de oe, cun su Dut. Stefano Alberto Tedde.
3) Su progetu s’est congruidu cun una vìsita ghiada a Bono,”Adòbiu in sa Die”, in sos logos in ue est nàschidu Giuanne Maria Angioy, èsule polìticu in Frantza. In sa bidda in ue est nàschidu s’ Alternos sos istudiantes de s’Istitutu IANAS ant visitadu sos logos de sa pitzinnia de s’èsule bonesu e sunt imbènnidos cun sos istudiantes de su Litzeo “G.Spanu” de Tàtari pro unu cunfrontu de s’esperièntzia fata e subra su tema de s’ integratzione sotziale, sos pensos issoro, sos meledos, sas testimònias subra s’istòria de s’emigratzione, cunsiderende chi sas iscolas sardas istàngiant istudiantes medas chi benint dae ogni parte e logu de su mundu.
Sighint sos ligàmenes pro pòdere abbaidare sos materiales postos in duas brochures realizadas pro ambos sos progetos,  su de IANAS de Tortolì e  de “G.Spano” de Tàtari.

   Disterrados de eris e de oe Istituto IANAS Tortolì

 

 

 

 

Disterrados de eris e de oe Liceo Spano Sassari

 

 

 

 

Inoghe sos ligàmenes a sos vìdeo realizados.
Istitutu IANAS de Tortolì https://www.youtube.com/watch?v=8ZC1KwV8TVQ&t=247s
Litzeo Iscientìficu “G. Spano” de Tàtari https://www.youtube.com/watch?v=J5VqjWrgb2s

Share

Àteros chi ti podent interessare