Formatzione Arta pro Operadores in s’àmbitu de sa Limba e de sa Cultura Sarda

Formatzione Arta pro Operadores in s'àmbitu de sa Limba e de sa Cultura Sarda

Caraterìsticas de su cursu

Particulares de su cursu

S’Istitutu Bellieni presentat su
Cursu de formatzione de livellu artu pro Operadores in s'àmbitu de sa Limba e de sa Cultura Sarda
Su cursu est finantziadu pro una parte dae contributos de sa R.A.S. Assessoradu a s’ Istrutzione pùblica, Benes culturales, Informatzione, Ispetàculu e Isport
OBIETIVOS
Frunire cumpetèntzias a su fine de formare e preparare tradutores, animadores, insegnantes, progetistas in sos àmbitos disciplinares chi pertocant sa limba, s’istòria, sa geografia, s’arte, sa cultura, su deretu, cunforma a cantu est istabilidu dae sa L.R: n° 26/1997 – e pro s’acumprimentu de sas atividades prevìdidas dae sa L.N. n° 482/1999.
DURADA
Làmpadas - Nadale 2016. Sunt prevìdidas 50 oras frontales (sàbadu a mangianu: 09:00 - 13:00 o sàbadu a borta de die; 15:00-19:00); 30 oras pro sas esertzitatziones pràticas (es: in sos ufìtzios linguìsticos subracomunales); in prus sunt prevìdidas unas cantas oras pro istudiare a sa sola pro sa preparatzione a sas verìficas bimestrales, iscritas e orales, e de sa verìfica finale. Comintzu de su cursu sàbadu 18 de làmpadas.
PRO CHI EST PENSADU
Laureados in disciplinas linguìsticas, leteràrias, filològicas, antropològicas, filosòficas, educativas. Sas dimandas ant a èssere esaminadas e si sa situatzione lu bogat a campu si at a pòdere fàghere una carchi dèroga.
RECHISIDOS PRO SA FRECUÈNTZIA
Laurea nessi triennale; cumpetèntzia ativa e passiva de sa limba sarda in cale si siat faeddada locale; cumpetèntzia iscolàstica de una limba europea e de sa limba italiana. No àere lòmpidu sos 35 annos. Su cursu est pro 20 persones ebbia. Sas dimandas ant a dèvere pervènnere non a dae sàbadu 11 de làmpadas 2016.
MODALIDADE DE AMMISSIONE
Si at pòder frecuentare fata chi siat s’esàminu de su CV e pustis de unu collòchiu chi potzat averiguare sas cumpetènztias linguìsticas-culturales àpidas e sas motivatziones e sas capatzidades de fundu.
DISCIPLINAS INSINZADAS IN SU CURSU
Limba sarda; literadura sarda; didàtica de sas disciplinas sardològicas (limba, literadura, istòria, geografia, arte); tècnicas de tradutzione dae su sardu a àteras limbas e dae àteras limbas a su sardu; traditziones popolares de sa Sardigna; filosofia; traditziones giurìdicas sardu-mediterraneas; legislatzione internatzionale e legislatzione regionale subra sas limbas de minoria; impreu de su sardu veiculare in sa didàtica de sas disciplinas; progetatzione didàtica e curricolare; didàtica pro s’ammàniu de laboratòrios; progetatzione comunale; progetatzione iscolàstica; progetazione europea.
TÌTOLU E TZERTIFICATZIONES
S’atestadu at a bènnere emìtidu a sa fine de cursu, pustis de sa valutazione e at a dare unu puntègiu, cunforma a sos criterios istabilidos dae sa R.A.S., pro pòdere partetzipare a s’insignamentu de sa limba sarda in sos progetos de isperimentatzione in iscola e pro sos bandos de seletzione de sos operadores in sos ufìtzios linguìsticos comunales e subracomunales. Sos cursistas ant a fàghere esertzitatziones pràticas de progetazione e de animatzione linguìstica e culturale promòvidas dae s’Istitutu Bellieni, in su mentre chi acumprint s’atividade de formatzione. Semper si s’est àpida una valutatzione positiva, ant a bènnere emìtidas sas tzertificatziones chi atestant sas cumpetèntzias àpidas chi ant a integrare s’atestadu finale.
DOTZENTES
  • Prof. Michele Pinna: filosofia de s’identidade; metodologia e didàtica
  • Dut.ssa Daniela Masia: limba sarda; tècnicas de tradutzione; cultura de su territòriu
  • Dut.ssa Maria Doloretta Lai: esertzitatziones de pràtica organizativa e relaztiones cun sa gente
  • Av.du Attilio Pinna: traditziones giurìdicas de sa Sardigna e legislatzione de sas limbas de minoria
  • Dut. Stefano Alberto Tedde: istòria de sa Sardigna e metodologia de sa chirca de archìviu
  • Dut.ssa Roberta Morittu: progetatzione; chirca de finanziamentos pùblicos; gestione de sa modulìstica
  • Dut. Salvatore Taras: linguàgiu giornalìsticu, comunicatzione e funtzione de sos ufìtzios pro s’imprenta
  • Dut.ssa Elisabetta Fenu: comunicatzione de grupu e dinàmicas relatzionales
Pro informatziones e iscritziones:
Email: istitutobellieni@gmail.com Tel: 079/230268 Istitutu Bellieni Carrera Maddalena 35 - Tàtari (su mangianu dae sas 10 a sa 1:00) Locandina Alta formazione - Sardo

àteros cursos