Laboratòriu de Poesia e Teatru in sardu e in tataresu

10 Freàrgiu 2020

3105

Torrat s’isportellu linguìsticu a Tàtari

Dae su mese de nadale de su 2019 Tàtari at s’isportellu linguìsticu. Paris cun Tàtari (comune cabufila) sos àteros comunes de su progetu “Ajò vi semmu” sunt: Castheddu, Isthintini, Codaruina, Sossu e Posthudorra. Sos operadores sunt Lucia Sechi, Daniela Masia Urgu, Giovanni Muroni, Antonella Idini, Anna Laura Pirisi, Adriana Cocco, Francesca Sini.

Sos dotzentes de sos cursos de alfabetizatzione e didàtica sunt Michele Pinna, Daniela Masia e Mario Marras.

S’isportellu, cun sa sede de Tàtari in su “Centro Giovani” de Piazza Santa Caterina, est abertu pro sas pessones dae su lunis a su sàbadu dae sas 9 a sas 13.

In prus de sas tradutzizones de sos atos amministrativos dae s’italianu a su sardu e dae s’italianu a su sardu-turitanu, b’ant a èessere unas cantas atividades de promotzione culturale pro mèdiu de laboratòrios.

Laboratòriu de poesia e teatru in sardu e in tataresu.

Su primu de sos laboratòrios a indonu ammaniados dae s’isportellu at a èssere cussu de poesia e teatru in sardu e in tataresu.

Unu laboratòriu chi punnat ad acumpangiare e fàghere crèschere chie giai manìgiat sa poesia pro li fàghere connòschere e cumprèndere sas cumpetèntzias chi dessignant s’iscritura poètica, pro mèdiu de s’istùdiu e de s’isperimentatzione.

Durada: 18 oras.

Candu: onni martis dae sas 17 a sas 19.

Comintzu e fine: Dae su 7 de ghennàrgiu a su 3 de martzu de su 2020.

Sede: Istitutu de Istùdios e Chircas “Camillo Bellieni”, carrera Maddalena 35, Tàtari.

Dotzentes: Antonello Bazzu, Giovanni Loriga e Mario Marras. Tutor: Francesca Sini

Cumpetèntzias: Cumpetentzia ativa e passiva de sa limba sarda o de su tataresu.

ISCRITZIONES: Bos podides iscrìere finas a su 4 de ghennàrgiu imbiende a istitutobellieni@gmail.com su mòdulu compiladu chi agatades inoghe suta.

pro informatziones nos podides iscrìere a: istitutobellieni@gmail.com