L’Ischis ma no l’Ischis – Macumere

L'Ischis ma no l'Ischis - Macumere

Domìniga 16 de Nadale torrat s’adòbiu “L’ischis ma no l’ischis”, sa die ammaniada dae s’Istitutu Bellieni pro remunire sos resurtados de sos cursos in Limba sarda fatos in su territòriu. Sos temas de sa de bàtoro editzione, gasi comente in sas àteras tres, sunt sa cultura, sa promotzione linguìstica, de s’identidade e de su territòriu.

Ocannu nos amus a agatare in Macumere, in sa Biblioteca Comunale.

Su programma de sa die est ricu e vàriu: si comintzat a sas 10 de mangianu cun Maria Doloretta Lai Presidente de s’Is.Be chi introduit e coordinat sos traballos, sighit su su saludu de su sìndigu de Macumere Antonio Succu e de sas àteras autoridades chi b’ant a èssere.
Interventos:

Su Diretore de s’Is.Be Michele Pinna nos at a faeddare de Traballare cun sa limba est vìvere cun s’ànima pro unu mundu de amore. Fainas e contivigios de s’annu chi nch’est cumprende”.

A pustis, sos maistrosDaniela Masia Urgu, Lucia Sechi, Francesca Sini, Adriana Cocco, Immacolata Salis, Ivan Marongiu e Angela Andrea Oraniant a cunsignare sos atestados a sos dischentes de sos cursos de Limba e cultura sarda de Bòrore, Bortigale, Martis, Macumere, Oroteddi, Barì, Golòthene, Nùgoro, Marrùbiu, Uddusò e Fonne, e de su Percursu formativu in sardu de promotzione e difusione de sas atividades de s’archìviu de istadu de Nùgoro.

A posca amus a dare sos prèmios “Si moves sa limba sa Limba ti movet” a sas tres pessones chi ant imbentadu o fatu una carchi atividade de importu mannu pro sa difusione de sa Limba sarda.

A Daniela Masia Urgu, Responsàbile COLCS (Coordinamentu Operadores Limba e Cultura Sarda), tocant sos congruos de sas atividades de su mangianu cun una relata subra “Aficu mannu, annestru e bona volontade, sa limba chi creschet non timet impèigos”.

Sa die at a èssere animada dae su Coro polifònico “Santa Anastasia” de Uddusò e dae sos pitzinnoss chi ant sighidu sas atividades de animatzione linguìstica in sardu cun s’isportellu linguìsticu.

 

A sa cngruida amus a mandigare totus paris cun sas cosas lichitas chi ognunu at a batire dae su territòriu sou.

A sas 3 de borta de die amus ammaniadu pro s’ocasione una vìsita ghiada in sardu, a incuru de leonardo Murgia, de su Museo Etnogràficu.

Bos isetamus in meda!

L'ischis ma no l'ischis Macomer Istituto Bellieni L'ischis ma no l'ischis Macomer Istituto Bellieni

Share