Cursu de coghina: màndigos de su connotu

Corso di cucina sarda a Sassari

Cursu de coghina: màndigos de su connotu. Laboratòriu gratùitu in sardu e in tataresu.

Su segundu laboratòriu organizadu dae s’Isportellu linguìsticu de Tàtari a intro de su progetu “Ajò vi semmu” est dedicadu a sa coghina de sa costumàntzia sarda.

In sos ses abbojos prevìdidos (dae su 2 de martzu de su 2020 onni lunis dae sas 16.30 a sas 19.30), su giornalista espertu de s’arte de sa coghina Giovanni Fancello at a ghiare sos partetzipantes in s’ammaniadura de ses màndigos de su connotu, dae sa “supa” a sa “bagna” in variantes diferentes. Onni chida, in antis de sa letzione, at a èssere indicadu
su chi si devet comporare e sos trastes netzessàrios pro sa retzeta e su lunis sos cursistas ant a ammaniare su màndigu chi si nch’ant a pòdere giùghere a domo pro l’assagiare.

Su laboratòriu s’at a fàghere in sa sede de Crema&Cioccolato de Largo Cavallotti 15, chi at
a pònnere a dispositzione sa coghina issoro pro s’acumprida de totu sas fainas de coghina de su laboratòriu.

Un’ocasione ùnica pro torrare a iscobèrrere e connòschere sos màndigos, sas retzetas de
sa costumàntzia nostra e comente s’ammaniant.

Su laboratòriu est gratùitu de su totu e s’at a fàghere in sardu e tataresu. S’ùnicu rechisidu
rechestu est duncas sa cumpetèntzia ativa e passiva de sa limba.

Durada: 18 oras.
Frecuèntzia: Onni lunis dae sas 16.30 a sas 19.30
Perìodu: Dae su 2 de martzu a su 6 de abrile de su 2020.
Sede: Crema&Cioccolato, Largo Cavallotti, 15 Tàtari
Dotzente: Giovanni Fancello. Tutor: Lucia Sechi
Rechisidos: Cumpetèntzia ativa e passiva de sa limba sarda o tataresa.
Iscritziones: chie est interessadu si podet iscrìere finas a su 28 de freàrgiu imbiende a istitutobellieni@gmail.com su mòdulu chi ais a agatare inoghe in suta cumpiladu de su totu e firmadu.

Pro cale si siat informatzione nos podides cuntatare a sa email nostra: istitutobellieni@gmail.com

Pro t’iscrìere iscàrriga su mòdulu inoghe suta ⬇️

Mòdulu iscritzione a su cursu de coghina: màndigos de su connotu

Corso di cucina tradizionale sarda a Sassari

Share