In sos logos de Angioy: Macumere
by admin
Sighit su biàgiu nostru in sos logos de Angioy in sa de ses : biddas, istradas e caminu chi sunt istados atraessados dae s'”Alternos” in su tempus de su movimentu contra a sos feudatàrios.
In custu addòbiu amus a connòschere s’istòria de Macumere, sa bidda est inghiriada dae sos montes de su Màrghine chi si tocant cun su Montiferru e chi partzit sa serra de Abbasanta dae cussa de Campeda a tramuntana.
Sas fatas de sos tres annos famados de sa rivolutzione sarda ant atraessadu su burgu de Macùmere pro unos cantos episòdios importantes meda, essende chi est bene sestada in mesu a sas duas provìntzias de su rennu de Sardigna ligat a pare Casteddu e Tàtari.
A sos ùrtimos de su 1795 unu fiotu de persones armadas ghiadas dae Frantziscu Cilocco e Gioachinu Mùndula, movet a cara a Tàtari cun sa mira de irrùere su guvernu reatzionàriu e de separatzione de su Logudoro
S’eventu chi at pertènnidu Macùmere fiat capitadu su 6 de làmpadas de su 1796 cando a sos òmines de Angioy (unos seschentos) chi fiant martzende a cara a Casteddu, li benit serradu s’àidu dae su consìgiu dae sos cummissàrios guvernativos de sa bidda de su Màrghine, leales a su guvernu. Angioy, proclamada sa lege de gherra, movet un atacu chi cajonat mortos e unas cantas domos isrobadas. Su biàgiu de Angioy sighit a cara a Santu Lussurzu.
PROGRAMMA
Comente semper, nos ghiant peri sos contos e sas curiosidades e sos bene archeològicos Antonello Nasone, Stefano Alberto Tedde e Giuseppina Ruggiu.
A sas 10.00 de mangianu addòbiu a probe de su Palatzu comunale de Macumere, Cursu Umbertu I
A sas 10.30 de mangianu bìsita a sas domos Attene e Murenu in ue at a èssere possìbile visitare una mustra de documentos subra de su setighentos (‘700), ammaniada dae s’Assòtziu Sòlene
A sas 11.30 de mangianu passigiada peri sas carreras de su tzentru istòricu de Macùmere
A sas 12.30 bìsita a sa crèsia parrochiale de Santu Pantaleo
A sas 13.00 Nos firmamus pro mandigare
A sas 14.00 bìsita a su situ archeològicu Tamuli in ue bi s’agatant unu nuraghe, unu bidditzolu cun pinnetas tzirculares e retangulares, tres tumbas de sos gigantes, unu filera de bètiles e una funtana nuràgica .
A sas 15.30 Torrada
Bos isetamus su 2 de nadale, a sas 10.00 de mangianu a probe de su Palatzu comunale de Macumere. Mentres pro chie movet dae Tàtari si partit dae su parchègiu de su Tzentru de Monserrat, in sa carrera Budapest a sa 9.00 de mangianu.
Pro cale si siat informatzione o pro si prenotare (si pagat 20 èuros per òmine): 3662085483 Giusepina; o puru iscrìere a istitutobellieni@gmail.com
Àteros chi ti podent interessare
Cussèntzia de bidda. Pessonàgios e fatos de Pàdria.
25 Trìulas 2019
L’Ischis ma no l’Ischis – Macumere
12 Nadale 2018
