PIAGHE. SA MÙSICA TRADITZIONALE DE SA SARDIGNA INTRAT IN ISCOLA

PIAGHE. SA MÙSICA TRADITZIONALE DE SA SARDIGNA INTRAT IN ISCOLA

Su sardu est in totue. Iscoberi•lu Cantende•lu

 

Unu progetu de s’Istitutu Camillo Bellieni de Tàtari est istadu acumpridu in s’iscola primària de Piaghe.
Sunt trintasete sos pitzinnos de sa 2A e 2B, ghiados dae sas maistras Maria Giovanna Pinna e Maddalena
Ziccheddu, chi ant partetzipadu a su progetu “Sa mùsica traditzionale de sa Sardigna”.

Su traballu elaboradu dae sas operadoras de s’isportellu linguìsticu Anna Laura Pirisi e Francesca Sini aiat sa punna
de fàghere a connòschere a sos pitzinnos sos istrumentos musicales de sa traditzione, sos diversos tipos de
cantu, sas cantones populares, sos innos e sos ballos de s’Ìsula. B’at àpidu curiosidade, partetzipatzione e
impignu mannu dae parte de totus sos pitzinnos.

Pro sos congruos, cun s’autoritzatzione de su dirigente iscolàsticu Giovanni Carmelo Marras, ant pòtidu partetzipare sas duas espertas chi ant bidu sos
elaborados de sos pitzinnos e s’esibitzione canora de sas cantones “E sarà Natale” de sos Tazenda e de s’innu de sa Brigata Sassari “Dimonios”. Bonos sos resurtados acumpridos nointames sa situatzione, gràtzias a sa collaboratzione e a sa bona voluntade de totus.


Share