Chie Semus

S’Istitutu de Istùdios e Chircas Camillo Bellieni naschet in Tàtari in su 1989.

Semus un’ente privadu sena fines de lucru e cun personalidade giurìdica. Semus un’assòtziu culturale chi dae prus de 30 annos istùdiat, descriet, cumprendet e promovetsas realidades culturales locales de sa Sardigna, cun su cumbinchimentu chi sas universalidades de sas connoschèntzias bivant e s’espressent in àmbitos territoriales determinados e in dimensiones istoricamente definidas.

Sa sede de s’Istitutu Bellieni, cun sa biblioteca e s’archìviu istòricu, est in su coro de su tzentru istòricu de Tàtari, in carrera Maddalena 35, a duos passos dae su Duomo. Ma su grupu mannu de traballu chi lu format, fatu de operadores e animadores culturales espertos de limba e cultura sarda, ispetzializados in sos àmbitos diferentes de sa connoschèntzia, est arraighinadu in totu su territòriu de sa Sardigna: dae su Campidanu de Aristanis a sa Barbàgia, dae su Meilogu a s’Anglona. Logos in ue dae tempus amus ammaniadu progetosligados a sa promotzionede sa limba e de su territòriu e in ue amus inghitzadu cun àteros entes, privados e pùblicos e sas istitutziones, collaboratziones profetosas e chi dant impèllidas.

In custos dae prus de 30 annos de istòria e de atividade culturale, amus isvilupadu sa vocatzione originària de s’ispiradore nostru, Camillo Bellieni, istòricu, filosofu, babbu de su sardismu, cun sa punna de connòschere s’ànima de sos sardos in sas pìnnigas culturas suas prus fungudas.

Ite faghimus

Sa punna nostra dae semper est istada sa promotzione e sa difusione de sa cultura in totus sas espressadas suas. Pro mèdiu de sas metodològias prus agiornadas, faghimus atividades de formatzione, chirca e consulèntzia in àmbitu linguìsticue sòtziu-linguìsticu, didàticu, literàriu, istòricu, filosòficu, antropològicu, filològicu, pedagògicu, comunicativu, relatzionale, sotziale, giurìdicu, de sa didàtica de sa comunicatzione, de sas connoschèntziasde sa costumàntzia e de sa promotzione culturale.

Coordinamus diferentes isportellos linguìsticos in sa provìntzia de Tàtari, Nùgoro e Aristanis, realizados in sos comunes de su territòriu cunforma a sa lege 482/99 (Normas in matèria de amparu de sas minorias linguìsticas istòricas).

Frunimus consulèntziae ammaniamus chircas e progetos pro sos comunes e pro sas iscolas finantziados cunforma a sa lege n° 26/97 (Promotzione e valorizatzione de sa cultura e de sa limba de sa Sardigna).

Faghimus atividade de consulèntzia a s’imprenta pro sa publicatzione de traballos literàrios e e de istùdiu.

In custos annos amus organizadu cunvegnos, abojos e publicatziones chi pertocant a sa promotzione e valorizatzione de sa limba e cultura sarda in s’iscola e in sas istitutziones pùblicas.

Collaboramus a s’ispissa e cun praghere cun àteros Tzentros pùblicos e privados natzionales e internatzionales.

#Testimonial De nois narant

Su parre de chie at traballadu cun nois, partetzipadu a sos cursos e laboratòrios nostros.

#News News & Events

Discover how to anticipate and adapt to the latest trends and digital

https://www.istituto-bellieni.it/sc/author/isbe/

In sos logos de Angioy - Florinas 27 novembre 2022

Tredicesima tappa dei percorsi di turismo identitario "In sos logos

Presentazione standard ortografico ufficiale del sassarese

Il 24 ottobre la presentazione alla popolazione dello standard ufficiale

#Instructors Featured Instructors

Discover how to anticipate and adapt to the latest trends and digital