Maria Antonietta Pinna

Difatis, si pro traballu est abituada a si mòvere tra unu testu publicadu in su blog e unu testu in Facebook, in sas pàginas “social” suas non pùblicat nudda dae su 2012. Nisciunu ischit chie est o ite faghet, est sutzessu puru chi amigos de su babbu e de sa mama l’apant naradu “ah, no ischia chi teniant una fìgia”.

Mègius, gasi est lìbera de bìvere sa vida sua a dòpiu de super eroe (sena poderios). Una cosa a metade tra Sailor Moon (bidu chi l’agradat meda sa bestimenta in istile marinaru) e Clark Kent s’esseret bìvidu in su tempus de sos “social media”.
Ma la podides reconnòschere ca est cussa semper a telèfonu in manu e cun su computer subra de sas ancas. Si bos acurtziades meda at a proare a bos cumbìnchere a bos fàghere fotografias, unu videu, o a iscrìere un’artìcolu pro su blog de s’Istitutu. Seis avisados.

L’agradat a iscrìere, sa tecnològia, iscobèrrere sas cosas noas, su màndigu, sa mùsica indie, Wes Anderson e sas “serie TV”. No l’agradat a faeddare a dae in antis a gente meda, a si nche corcare chitzo e a fàghere isport (ma custu Dolores no lu devet ischire, no lu devet ischire…)

S’espressada sua: cando moris ti pasas!