S’acurtziat sa data de un’avenimentu chi incantat e prenu de emotzione pro s’Is.Be.: su 9 de Nadale 2025, difatis, dae sas 4.00 de sero, in s’Aula Magna – Retoradu de s’Universidade de Tàtari nos amus a bìdere pro tzelebrare sos 50 annos dae sa morte de una de sa figuras polìticas prus autorevoles de su ‘900, Camillo Bellieni, dae su cale s’Istitutu nostru leat su nùmene.
Su cunvegnu, chi rapresentat puru su momentu de serrada de sas atividades Is.Be. 2025, at a èssere ocasione pretziosa pro cumprèndere in sa manera mègius sa filosofia polìtica de Bellieni, sa visione federalista sua, s’acostamentu antifascista e s’ipòtesi sua de sardismu chi est arrivada in su 1921 a sa fundatzione de su Partidu Sardu de Atzione. Un’oportunidade de aprofondimentu e di arrichimentu de sa prospetiva culturale de non pèrdere pro ognuno de a nois, a sa cale bos consigiamus de non rinuntziare.
Sa dibata at àere unu tàgliu allegru e polièdricu, ca sos interventos sunt diversos:
- Antonello Nasone Sotzialismu polìticu e idealismu filosòficu in su sardismu de Bellieni
- Enrico Fenu S’Archìviu Bellieni: amparu, descritzione e prospetivas de valorizatzione a chimbanta annos dae sa morte de Camillo Bellieni
- Stefano Alberto Tedde Camillo Bellieni: un’archìviu isconnòschidu
- Alberto Contu Bellieni e sa mitopoiesi federalista
- Attilio Mastino Camillo Bellieni allievu de su natzionalista Ettore Pais, sa Sardigna dae su domìniu romanu a sa liberatzione de su pòpulu sardu
- Vanni Piras Sos sardos in su medioevu de Camillo Bellieni
- Antonello Mattone Camillo Bellieni tra polìtica e istoriografia
Amus a àere, puru, sos saludos istitutzionales de:
Gavino Mariotti (Magnìficu Retore Uniss)
Giuseppe Mascia (Sìndigu de Tàtari)
Maura Picciau (Soprintendente Archivìstica de sa Sardigna)
Maria Doloretta Lai (Presidente Is.Be)
At a moderare sa serada una collaboradora istòrica de s’Istitutu Bellieni: sa Dut.ra Daniela Masia Urgu.
A finitia, pro animare s’abboju b’ant a èssere sas leturas curadas dae sa talentuosa atora e iscritora tataresa Maria Daniela Carta.
Bos isetamus!!
