S’eventu “Paràulas in Musica”, chi at a èssere su 16 de Abrile in Il Vecchio Mulino de Tàtari (Via Frigaglia 5), s’inserit cun fieresa a intro de sas atividades de su programma 2026 de s’Istitutu Bellieni.

S’abboju proponit meledos in duas limbas subra temas sotziales e universales. Pro mèdiu de sa boghe de Franco Sechi e su pianoforte de Vladimiro Patatu, sa poesia nuda abbojat su mudamentu suo in forma de cantone, creende unu logu de ascurtu partetzipadu e profundu.

A fàghere de cornitze a sa serada sos interventos de Daniela Masia Urgu, responsàbile de s’Ofitzina Filosòfica Is.Be, chi at a faeddare de s’esperièntzia e su sensu de su progetu “Sa poesia torrada a sa boghe” de su cale Michele Pinna s’est fatu promotore in sos primos annos de su 2000 paris a un’aprofundimentu subra sa trasmissione intre generatziones pro mèdiu de sa mùsica.