"SA FIDADA"
Laureada in Limbas e Literaduras Istràngias cun indiritzu istòricu-culturale, giughet in dae antis su caminu professionale suo cun costàntzia, rigore e un’atentu mannu a sos particulares, semper animada dae su disìgiu de crèschere e de ofèrrere su mègius suo e de sos àteros.
Operadora linguìstica de s’IsBe dae su 2013, cunsiderat cun fieresa manna sa limba sarda sa limba prima sua e agatat in sa terra in ue est nàschida un’ispinta contìnua de ispiratzione, non solu dae su puntu de vista culturale, ma puru comente oportunidade de crèschida personale e umana. Su moto suo, “Isco de no ischire”, ispiegat a manera perfeta su puntu de vista suo a sa vida e a su traballu: curiosidade, umiltade e gana de si megiorare totora.
Determinada, non s’istracat mai, afrontat ogni progetu cun seriedade e pretzisione, impignende·si sena riservas pro arrivare a sas punnas chi s’at fissadu. Si diat dèvere èssere descrita cun tres paràulas, diant èssere stakanovista, perfetzionista e fidada: pro a issa traballare cheret nàrrere a si dedicare cun passione, sena lìmites de tempus e cun sensu de responsabilidade mannu.
Li praghet meda sa mùsica, ma puru su silèntziu, elementu pro a issa netzessàriu tantu de nàrrere: “Guai si non b’esserat, diat pèrdere s’essèntzia mia”.