In s’àmbitu de su festival literàriu Ethno’s.

Sàbadu 14 de santandria 2026 – Martis

Bìvere sa bidda, pensare su logu.
Poètica de s’ispàtziu e formatzione de su patrimòniu culturale e tzivile.

In ocasione de sa de IX editzione de Martis in Poesia, in s’àmbitu de su festival literàriu Ethno’s, s’Is.Be – Istitutu de Istùdios e Chircas “Camillo Bellieni” presentat una die de ativitades dedicadas a su raportu intre de su paesàgiu, sa memòria, sa literatura e su patrimòniu culturale.

Pro mèdiu de laboratòrios pràticos, narrativos e de ascurtu, sos partetzipantes ant a èssere invitados a esplorare su balore de su logu, de sos ogetos e de sas istòrias chi contribuint a formare s’identidade de sas comunidades.

Congruit su programma  s’ispetàculu Sos Sinnos, leadu dae su romanzu cun su matessi tìtulu de Michelangelo Pira.

Programma

• Sos Laboratòrios de Grazia, in su Museu Paleobotànicu
• Dae sas 9:30 a sas 11:00 | Istòrias picadas in sa pedra
  Laboratòriu pràticu in logu abertu, a incuru de Immacolata Salis. Indiritzadu a sas iscolas mèdias, pro pitzinnos dae sos 11 a sos 14 annos.
• Dae sas 11:30 a sas 13:00 | Oggetti custodi di memoria – Ainas bardianas de ammentu. Laboratòriu espressivu, a cura de Daniela Masia Urgu. Indiritzadu a personas mannas a cumentzare dae sos 18 annos.
• Dae sas 15:30 a sas 17:00 | Bardianos de su tempus: mapa de sa restàntzia. Laboratòriu dinàmicu in logu abertu, a incuru de Immacolata Salis. Indiritzadu a personas mannas a cumentzare dae sos 18 annos.
• Dae sas 17:30 a sas 19:00 | Su simbolismu in sa literatura de Grazia Deledda. Laboratòriu de ascurtu, a incuru de Daniela Masia Urgu. Indiritzadu a personas mannas a cumentzare dae sos 18 annos.
• Dae sas 21:00 a sas 22:30. Sa serada s’aberit cun duos interventos:
  Daniela Masia – Dae sa vida de sas cosas a su teatru de s’ànimu umanu: sa chirca filosòfica de Grazia Deledda
  Immacolata Salis – Dae sa sorte deleddiana a sa rivorta de s’ogetu in Michelangelo Pira
• A sighire, s’ispetàculu «SOS SINNOS – Mialinu ’e Crapinu», de e cun Giovanni Carroni, cun sa partetzipatzione de su Tenore de Bitti «Mialinu Pira» e sa mùsica de su maistru Mauro Mibelli.

Sos laboratòrios s’ant a fàghere in su Museu Paleobotànicu; s’ispetàculu de sa serada s’at a tènnere in su Tzèntru Polivalente «Vincenzo Migaleddu».

Pro informatziones e iscritziones

Email: ethnosfestival@gmail.com
Tel: 371 778 7565

Bos isetamus!