S’acurtziat su momentu prus isetadu de s’annu pro s’Istitutu Bellieni: L’ischis ma no l’ischis, die dedicada pro intreu a su contu finale de sas atividades de sos Isportellos Linguìsticos e de su programma Is. Be. acumpridu ocannu.

Domìniga 23 de santandria 2025 a sas 10 e mesa de mangianu in s’Ex Ma, de s’Acadèmia de sas Bellas Artes “Mario Sironi” de Tàtari, nos amus a abbojare pro ammustrare sos progetos giutos in dae antis in totu s’annu dae s’Istitutu de Istùdios e Chircas Camillo Bellieni de Tàtari, curadu dae sa Presidente sua Maria Doloretta Lai.

A manera pretzisa:

• Laboratòriu de Orefitzeria Sarda. S’Arte de sa Filigrana – Tàtari
• Cursu de Limba e Cultura Sarda Livellu A2 – Tàtari
• Cursu de Limba e Cultura Sarda. Fèminas de pabilu, fèminas de gabbale – Golòthene
• “Cinemaieutica”: s’estètica e su limbàgiu. Esertzìtzios de filosofia subra pellìcola – Tàtari
• Giovanni Maria Angioy – Una serada dedicada a s’istòria e a s’identidade locale – Sa die de sa Sardigna – Ossi
• Presentatzione de su CD “Le musiche di Antonio Simon Mossa”: Aristànis | Casteddu | Tàtari
• Ispetàculu de teatru in tataresu pro pitzinnos – Samà Lu Mannu e l’Isola di Edèa – Unu biàgiu totu de vìvere! – Tàtari
• Presentada de sos libros: sa rivista “Sesuja” (n.6, 2023); “Quaderni di Filosofia” (n.5, 2024); “Non pioverà più” de Giovanni Loriga; Libri Gigi Nieddu; libru de poesias “La stagionalità dell’esistenza” de Francesca Nieddu; “Gherras” in s’Istòria e in su Libru de Peppe Corongiu; – Tàtari | Ossi | Martis
• Aprofundimentu e realizatzione vìdeu subra Giovanni Antioco Mura, su polìticu, s’òmine, s’artista – Bonolvaa
• Laboratòriu de Limba Tataresa – Tàtari
• Book Club Filosòficu – TàtariBook Club Filosofico – Sassari
• Partetzipatzione a “Domenica di Carta”. Sos archìvios de famìlia e sa memòria de su Sardismu: “L’archivio Bellieni” – Casteddu
• Cunvegnu “L’Arte dei muri a secco” – Potuvigari
• Cunvegnu Camillo Bellieni a 50 annos dae sas morte

Su programma:

Cunsigna atestados de sos cursos e de sos laboratòrios acumpridos in su territòriu:

• Ossi, Piaghe, Uri, S’Ulumedu, Biddanoa Monteleone, Putumajore, Bonolva.
  
• Laboratòriu de orefitzeria sarda
• Cursu de limba sarda – Tàtari
• Cursu de limba sarda – Bolotana
• Seminàriu de Filosofia Pràtica pro mannos: “Cinemaieutica”
• Laboratòriu de limba tataresa
• Book Club
• Book Club Filosòficu

Vìdeu chi contat de sas presentatziones est a nàrrere eventos:

• Cd di Antonio Simon Mossa: Oristano | Cagliari | Sassari
• S’ispetàculu de teatru in tataresu pro pitzinnos “Samà Lu Mannu e l’Isola di Edèa”
• Presentada de libros e collaboratziones cun “Ottobre in poesia” e “Ethnos Festival Letterario”
• Atividades laboratoriales de sos isportellos linguìsticos
• Atividades in tataresu: su cd de Beppe Dettori “Poni menti a me” cun sos testos de Mario Marras e “I Candelieri” in su “Vecchio Mulino”