Sustene·nos
Diventa sustenidore de s’Istitutu Bellieni contribui a manera ativa a sa promotzione e a sa valorizatzione de sa cultura sarda e non solu.
Cun sa tèssera de su 2025, as a àere s’oportunidade de sustènnere progetos medas e sas atividades culturales organizadas dae s’Is.Be.
B’at tres modalidades de adesione, onniuna de sas cales t’at a permìtere de benefitziare de vantàgios esclusivos, immaniende e aprufundende sos interessos culturales tuos. Diventare sustenidore de s’Istitutu Bellieni cheret nàrrere seberare de partetzipare a initziativas de valore culturale mannu, àere s’oportunidade de partetzipare a avenimentos, resursas e atividades ùnicas.
Sustene sa cultura e faghe sa diferèntzia cun s’Istitutu Bellieni.
Sustenidore BASE
- Una bursa de tela cun unu dìciu in sardu o in tataresu, perfeta pro ti giùghere fatu unu bìculu de sa cultura nostra.
- Un’agenda esclusiva (disponìbile in 3 colores diferentes).
- Una pinna personalizada Is.Be, pro iscrìere su benidore paris!
Sustenidore PLUS
- Una bursa de tela cun unu dìciu in sardu o in tataresu, perfeta pro ti giùghere fatu unu bìculu de sa cultura nostra.
- Duas publicatziones a sèberu tra tres percursos a tema.
Sustenidore SPECIAL
- Una bursa de tela cun unu dìciu in sardu o in tataresu, pro ti giùghere fatu unu bìculu de s’identidade nostra.
- Duas publicatziones esclusivas, seberadas dae s’Is.Be.
Totu sas tèsseras ant valididade finas a su 31 de Nadale de su 2025.
Pro ite sutascrìere sa tèssera de s’Is.Be.
- Cun su contributu tuo as a fàghere unu gestu cuncretu pro sustènnere sos progetos nostros de chirca, promotzione e valorizatzione de su patrimòniu culturale sardu.
- Intrende a fàghere parte de sa comunidade nostra, as a pòdere partetzipare a initziativas chi dant impèllidas e retzire produtos editoriales frutu de chircas e esperièntzias de sos amantiosos cullaboradores nostros. Custos materiales t’ant a dare ispuntos noos pro meledare, informatziones e aprufundimentos subra de s’istòria, sa limba, sa poesia, sa filosòfia, su deretu, sa literadura e àteru meda
- As àere pro nois unu ruolu ispetziale!
As a diventare parte ativa de sas atividades nostras: as a retzire luego agiornamentos subra de totu sas novidades e sos avenimentos in programma, nos as a pòdere dare sas rispostas tuas e consìgios pro chi sas esperièntzias interessent galu prus totu sos assotziados nostros.
Sustene sa cultura, intra a fàghere parte de sa comunidade nostra!
In autonòmia, paghende cun “Paypal” o bonìficu bancàriu (Iban IT68V0100517200000000021891 intestadu
a s’Istitutu de Istùdios e Chircas “Camillo Bellieni”
Si as bisòngiu de agiudu t'amus a ghiare nois in s'achistu de sa tessera. Su pagamentu at a èssere fatu cun Paypal o cun bonìficu bancàriu (l'as a fàghere tue, nois no amus a àere atzessu a sos datos de pagamentu tuos)
Podes fàghere sa tessera puru in sa sede nostra in carrera Maddalena 35 in Tàtari