S’arte de sos muros a sicu, in Sardigna, at un’istòria antiga meda, cun raighinas profundas dae sos tempos de sos Romanos, comente contant iscritores che Palladio Rutilio Tauro Emiliano (in “Opus Agricolturae”, IV sec.) e su geògrafu frantzesu Le Lannou; custu ùrtimu, a manera particulare, iscriet chi dae semper sos muros a sicu sunt istados ogetu de cuntrastu tra sos pastores e sos massajos in cuntierras betzas cantu sa nàschida de su mundu: cussas pro marcare sas làcanas de su territòriu. sos muros a sicu ant duncas rapresentadu su signale de una tziviltade, de un’ètica de sa comunidade: cussa de ischire vìvere rispetende sos àteros. I muri a secco hanno dunque rappresentato il segnale di una civiltà, di un’etica comunitaria: quella di saper vivere rispettando gli altri.

Inseridu dae su 2018 in sa lista rapresentativa de su Patrimòniu culturale immateriale de s’Umanidade UNESCO s’Amministratzione Comunale de Potuvigari paris a s’Is.Be, chi aiat realizadu unu dvd documentàriu subra custa arte in su 2010, at detzisu de dedicare un’abboju pro bos ghiare a s’iscoberta de custa arte gai arcàica e chi incantat, contende·nde sos mistèrios, sas tècnicas e sas maneras de comente est andada creschende in sus tempus. Posca de sos saludos istitutzionales de sa Sìndiga Antonella Contini e de s’assessora a s’istrutzione e servìtzios sotziales Josetta Caddeo ant a animare sa dibata istudiosos chircadores e sa proietzione de su documentàriu realizadu dae Giovanna Ruggiu cun sa supervisione de sa Presidente Is.Be. Maria Doloretta Lai.

Bos isetamus curiosos su 9 de Santandria, h 9.30, in su Tzentru Sotziale de Potuvigari, pro un’initziativa ùnica e formativa, inserida in su programma de sa mustra micològica, a sa cale ant a intervènnere:

• Alessandro Pintus, Murajolu “Sos murajolos de oe”
• Antonello Nasone, Diretore iscientìficu Is.Be.: “S’arte antiga de sos muraiolos in sa chirca de Michele Pinna”
• Antonio Vincenzo Sotgiu (Chircadore ISSLA – Foghiles):“Dae sas pinnettas de pedra a s’iscola mediterrànea de sa pedra a sicu”.
• Daniela Masia Urgu, Operadora Is.Be.: “S’arte, sa tècnica, s’artesania”. Cumpetèntzia de su fàghere e valore culturale immateriale

Amus a congruire sas atividades cun su laboratòriu pràticu creativu pro sos pitzinnos dae sos 6 a sos 11 annos denominadu “Manos in pedra”, chi at a incomintzare a sas 11 in sos Giardinos de carrera “Mario Delitala” de Potuvigari ghiadu dae carcunu de sos muraiolos prus giòvanos de sa bidda.

Si torrat gràtzias a sos partetzipantes a sa realizatzione de su vìdeu e artèfitzes: Alessandro Pintus, Luca Tilocca, Massimiliano Doppiu, Pietro Ninniri.

Informatziones e cuntato:: istitutobellieni@gmail.com