Lunis su 20 de trìulas de su 2026, a sas 7.00 de sero, su giardinu de “Floramarket Decorazioni Floreali”, in Carrera Montegrappa 15/A in Tàtari, at a istràngiare sa presentatzione de duas publicatziones noas de s’Istitutu Bellieni: Sesuja n. 7 (2025) e Cuadernos de Filosofia n. 6 (2025). S’acadessimentu est insertadu in su programma ISBE 2026.
Sesuja regollit artìculos e recensiones publicados tra su 2022 e su 2025 in su “Blog” de s’Istitutu Bellieni, proponende unu panorama amprosu de meledos subra de sa cultura, sa sotziedade e s’identidade sarda. Sa publicatzione tocat temas de caràtere polìticu, filosòficu, èticu e literàriu, dende atentzione particulare a s’idea sardista, a s’ammentu culturale e a sas chistiones mannas de su tempus nostru.
Cuadernos de Filosofia n. 6 presentat imbetze sos percursos de laboratòrios dedicados a su Pensamentu Mìticu, a su Pensamentu Simbòlicu e a su tema de sa trancuillidade, leados a cunsideru comente trastes de chirca esistentziale e de consièntzia personale. Su libru propònet unu cunfrontu subra de sos temas tzentrales de su pensamentu contemporàneu, dae s’Intellighèntzia Artifitziale a sa Filosofia de sa Mùsica, dende valore a sa filosòfia comente pràtica de arresonamentu e de mudadura
Ant a Interbènnere:
- Daniela Masia Urgu
- Maria Doloretta Lai
- Antonello Nasone
- Adriana Cocco
S’adòbiu est un’ocasione de cunfrontu abertu tra autores, cursistas e pùblicu subra de sos temas de sa cultura, de sa filosofia e de s’identidade contemporànea.
