Salvatore Taras

Apassionadu de istòria, limba e cultura populare de s’ìsula, est iscritu in s’elencu regionale de sos dotzentes de limba sarda. Non si podent contare sas collaboratziones suas cun carchi festival cinematogràficu e literàriu de prus importu, rassignas enogastronòmicas, musicales e coreùticas, eventos mannos e assòtzios regionales. Intre sas divessas publicatziones, “Verso Sud. Storie di Sardegna in America Latina” (Edes) at bìnchidu su Primu prèmiu “Peppino Fiori” pro sa setzione Reportage de su Cuncursu Literàriu Òsile 2015.

In su 2014, in sas pàginas in lìnea de sa rubrica “Sas Novas” de “SassariNotizie”, at fatu un’apellu paris a Mario Lucio Marras pro s’adotzione de un’istandard ortogràficu de sa limba Tataresa; istandard chi est istadu ufitzializadu in su 2022 gràtzias a s’impignu de s’Istitutu Camillo Bellieni.

Pro s’Is.Be at firmadu su documentàriu in DVD “Fede, coraggio e polvere. L’Ardia di San Costantino a Pozzomaggiore”, e su vìdeu de “LiteraduraLimba” a Boruta.

Dae su 2013, Salvatore est su puntu de riferimentu Is.Be pro sos òrganos de informatzione e, dae paritzos annos, su nùmene suo est inseridu in sa rosa de sos chi faghent parte de su Comitadu iscientìficu.