• 0 enrolled students
• english

Lu corsu indibbadda di Linga e Culthura Sassaresa di Livellu A1 è un corsu base pa’ li chi ani una cumpetenzia passiba di lu sassaresu e nisciuna cunniscenzia di li nòimi orthugrafigghi. Difatti s'abarani a introduzí li nòimi di lu standard nobu di lu sassaresu.
· L’abarani a fà in prisenzia a Sassari i’ la sedi di la Bibrioteca Comunari, in Carra Manna (piazza Tola), i’ lu cori di la ziddai veccia. Chisthu corsu fazi parthi di lu prugettu “Sportello linguistico” finanziaddu da la Comuna di Sassari, pa’ l’annuariddai 2022, cu’ li dinà ex art. 10, comma 5 di la LR 22/2018. L’attibiddai di fuimazioni, indirizzadda massimamenti a lu passonari dipendenti e a la zittadinanzia, è finarizadda a acchirí cumpetenzia i’ l’usu orari e ischrittu di la linga minoritaria cu’ l’usu veicurari di la linga sassaresa (cunnisciddu puru cumenti metodu CLIL). I’ li lizioni è pribisthu l’imparu di li réguri orthugrafigghi, liggendi, traduzendi e arrasgiunendi, e in più l’apprufundimentu e la cunniscenzia d'althri disciprini cumenti l’Ordhinamentu regionari cun riferimenti isthorigghi a la tradizioni giuridigga sassaresa, la letteraddura, l’isthoria di l’arthi, l’ambienti, li tradizioni musicari, li giogghi.
Pa’ infuimazioni e ischrizioni: istitutobellieni@gmail.com