Programma

Su cursu, 20 oras, permitit s’istùdiu de sa limba sarda istandard (livello A2) unende s’istùdiu de ortogràfia, morfosintassi e grammatica a s’anàlisi sòtziu culturale de su mundu deleddianu. Su percursu esplorat s’evolutzione, sas cumbatas e s’integratzione sotziale de sas fèminas in sas òperas de Gràtzia Deledda. Cun esertzitatzione pràticas e leturas ghiadas, sas istruturas linguìsticas de base leant bida in sas màgine de sas fèminas  capassas de isfidare e de ridefinire sos còdighes de sa comunidade.

Letzione 1 (3 oras): Grafia, Fonètica e s’Autodeterminatzione

• Ora 1 (Limba): Introdutzione a sa LSC (Limba Sarda Comuna). S’alfabetu, sas costantes gràficas e sos sonos tìpicos de su sardu.
• Ora 2 (Deledda): Su caminu de Gràtzia: dae Nùgoro a su Nobel. Sas figuras femmininas autobiogràficas in Cosima e s’isfida a s’ispàtziu domèsticu.
• Ora 3 (Laboratòriu): Esertzìtzios pràticos de letura a boghe arta pro sa fonètica e detadu ortogràficu subra estratos ischertados.

Letzione 2 (3 oras): Ortogràfia, Vocalismu e Règulas Sotziales

• Ora 1 (Limba): Su sistema vocàlicu sardu. S’usu giustu de sos atzentos gràficos e de s’apòstrofu pro non fàghere sas faddinas prus comunes .
• Ora 2 (Deledda): Su nono a su coju cumbinadu. Anàlisi de Maria Noina in Sa via de su male e su cunflitu cun sos còdighes de classe de sa comunidade.
• Ora 3 (Laboratòriu): Esertzìtzios de riscritura ortogràfica e anàlisi de su testu pro identificare sas variantes gràficas rispetu a sa LSC.

Lezione 3 (3 oras): Su Nùmene, s’Artìculu e s’Esclusione

• Ora 1 (Limba): Morfològia de su nùmene (gènere e nùmeru). Sos artìculos determinativos (su, sa, sos, sas) e indeterminativos . su fenomenu de sa lenitzione.
• Ora 2 (Deledda): Sa mama baghiana e s’emarginatzione. Sa figura de Olì in Chisina comente vìtima de su giudìtziu e de s’esclusione sotziale.
• Ora 3 (Laboratòriu): Esertzitatzione pràtica subra sa flessione de sos nùmenes e subra s’aplicatzione de sos artìculos in sos cuntestos de fonètica sintàtica

Letzione 4 (3 oras): Agetivos, Pronùmenes e s’Autoridade Matriarcale

• Ora 1 (Limba): Agetivos cualificativos, dimustrativos e possessivos (positzione post-nominale). Introdutzione a sos pronùmenes personales e cumbinados de base.
• Ora 2 (Deledda): Sa “Mama Mere” e sa gestione de su poderiu. Sas figuras femmininas chi mandant a dae in antis su sistema patriarcale pro defensare su patrimòniu (es. Elias Portolu).
• Ora 3 (Laboratòriu): Esertzìtzios de sostititzione pronominale e costrutzione de descritziones fìsicas e psicològicas de sos personàgios.

Lezione 5 (3 oras): Su Sistema Verbale e su Balore de su Traballu

• Ora 1 (Limba): Su presente indicativu de sas coniugaziones regulares. Su passadu pròssimu e s’ischerta fundamentale de sos duos ausiliares (àere e èssere).
• Ora 2 (Deledda): S’integratzione peri su traballu. Sa figura de Annalena Bilsini: sa biuda cabu famìlia chi si riscatat cun s’impresa agrìcola.
• Ora 3 (Laboratòriu): Coniugatzione ativa de sos verbos a su presente e passadu cun sa simulatzione de diàlogos ligados a sas faians fitianas.

Lezione 6 (3 oras): Su Tempus de su Disìgiu e sos Doveres Impostos

• Ora 1 (Limba): Su benidore analìticu (àere a + infinidu), s’imperfetu indicativu e s’espressione de s’òbligu o divietu (dèpere, bisongiare, imperativu diretu).
• Ora 2 (Deledda): Sa tentatzione de nche colare sas làcanas. Su cuntrastu tra sos disìgios de fuire de sas protagonistas (Craruiscuru) e sos doveres inflessìbiles de sa sotziedade.
• Ora 3 (Laboratòriu): Costrutzione de frases cumplessas cun su passadu e su benidore, anàlisi sintàtica de s’òrdine de sas paràulas in sa frase sarda (inversione verbu-sugetu).

Letzione 7 (2 oras – Mòdulu de Serrada): Lèssicu, Sintassi e Sìntesi Finale

• Ora 1 (Limba e Cultura): S’acusativu prepositzionale (usu de sa a in dae in antis a su cumplementu ogetu animadu). Su lèssicu de sa carena, de su bestire traditzionale e de s’istatus sotziale femininu.
• Ora 2 (Laboratòriu): Laboratòriu de tradutzione ghiada (italianu-sardu) de unu ritratu femininu deleddianu e verìfica finale de sas cumpetèntzias ortogràficas e morfosintàticas achisidas.
  
  

Atividades de su cursu

Sas letziones ant a èssere frontales e s’at a fàghere

• Esertzìtzios de ortogràfia e grammàtica
• letura e anàlisi de testos,
• arresonadas ghiadas

Obietivos de su cursu

A sa fine de su cursu sos partetzipantes ant a àere imparadu a

• Aplicare a manera cureta sas règulas ortogràficas gestende cun securesa s’usu de sos atzentos, de sos apòstrofos e sas costantes gràficas printzipales
• Lèghere cumprèndere e redìgere testos curtzos iscritos de livellu base (descritziones fìsicas e psicològicas, biografias simples, mesàgios e diàlogos fitianos).
• Usare bene sos artìculos (cumpresas sas formas de lenitzione), sos sustantivos, sos agetivos, sos pronùmenes e sa congiuntzione de sos verbos regulares e ausiliares a su presente, passadu pròssimu, imperfetu e benidore.

Ischire a nàrrere in sardu espressiones de possessu, relatziones de parentela, cuntzetos de dovere, netzessidade o divietu