Programma di lu laboratoriu

Lu percorsu è dibisu in dui parthi prinzipari:

1. Ripassu di lu Standard orthograficu

I’ la primma chedda un módulu intensibu abarà a assé dedicaddu a lu ripassu di l’erementi più impurthanti di lu Standard orthograficu uffizziari.

2. Analisi e revisioni di l’óbbari letterari

S’abarà a fa l’analisi di l’ óbbari di li più impurthanti autori sassaresi, da li più antigghi a li d’oggi. Sobr’a l’óbbari s’abarà a fa una “revisioni orthografica” sigundu lu Standard zirchendi di:

● isgiaminà lu patrimoniu letterariu da un puntu di vistha isthoricu;

● turrà a liggi l’autori sigundu lu sisthema orthograficu nobu, fendi attinzioni a l’effetti;

● cumprindì l’evoruzioni di la Linga Sassaresa i’ lu tempu, puru in un’ottiga d’oggi.

Obiettibu di lu laboratoriu

Dà istrumenti pratigghi, cussenzia linghisthigga e cumpetenzi funguddi pa’ un impreu infuimaddu,modernu e coerenti di la Linga Sassaresa.