-
isbe
-
Categoria:
2025 & triatu
L’Is.Be. no vedi l’ora d’accuglì cun alligria l’annu nobu, un 2026 chi si pripara a assé indilliriaddu e riccu di nubiddai, no soru pa’ li manni, ma puru pa’ li pizzinni e li criadduri. Una di chisthi nubiddai è, di siguru, “Tuttu s’acconza”, Laboratoriu di triatu in Sassaresu pa’ manni (mìnimu 18 anni), chi fazi parthi di lu prugettu più mannu “Lu Sassaresu: un’isthória ippiziari”, finanziaddu da la Regioni Sardhigna a lu Municipiu di Sassari cu’ li fondi di la L.R. 22/16 e L.R./12 – Bandu Tulis 2025/2027, e affidaddu a l’Is.Be., chi fazi parthì un’althra attibiddai intellettuari indirizzadda a la promozioni e diffusioni di la Linga Sassaresa.
· S’abarà a fà i’ la sedi di l’Isthitutu Bellieni;
· Per leggere il programma del corso clicca su "Programma"
· Per orari e luogo di svolgimento clicca su "Informazioni sul corso"
· Per informazioni scrivi a istitutobellieni@gmail.com
Informatziones subra su cursu
- Dove si tiene: Presso la sede IsBe di Via Maddalena 35 a Sassari
- Periodo: dal 9 Gennaio
- Orario: ore 18.30
- Per informazioni istitutobellieni@gmail.com
Programma
L’attibiddai di Laboratoriu, chi dura in tuttu n. 150 ori, s’abarà a fà i’ la sedi di l’Isthitutu Bellieni, postha propiu i’ lu cori isthoricu di la ziddai di Sassari e abarà a vidé l’analisi, l’isthudiu e la rapprisintazioni d’una commedia in un attu unicu di lu prufissori Mario L. Marras, intituradda “Tuttu s’acconza” chi, luntana da lu pregiudiziu cràssiggu di la cionfra, tratta un arghumentu seriu, cun la so’ morari, ma sempri mantinendi lu dibirthimentu.
Lu laboratoriu, chi fazi parthi d’un programma chi anda da lu 2025 a lu 2027, è già ischuminzaddu da calche chedda, ma l’Is.Be. à dizzisu d’abrillu a althri ischritti.
Tandu v’aisittemmu la dì 9 di ginnaggiu 2026 a li 6 e mezu a parthi in sera, pa’ la prisintazioni e l’ischrizioni nobi, i’ la sedi nosthra, in via Maddarena n. 35.
No mancheddi, abarem’a ischuminzà l’annu nobu umpari, cu’ lu surrisu.