Sa Biblioteca Universitària de Tàtari at a retzire, su 15 de làmpadas 2026, dae sas 5:30 a sas 8:00 de sero, in sa sede de Carrera Enrico Costa 57, una serada dedicada a su tema:
“Die internatzionale de sa Limba Mama e Die europea de sas Limbas: afinidades e punnas”
S’initziativa rientrat in su Programma Is.Be 2026 e naschet cun sa punna de promòvere una riflessione cumpartzida subra s’importàntzia de sa tutela, valorizatzione e trasmissione de sas limbas, cun atentu particulare a sas limbas minoritàrias de su logu e a su valore de su plurilinguismu comente instrumentu de inclusione culturale e sotziale.
Sa serada at a èssere moderada dae sos membros de s’Osservatòrio Linguìsticu Is.Be:
- Mario Lucio Marras
- Immacolata Salis
- Daniela Masia Urgu
Sos moderadores ant a ghiare su pùblicu pro mèdiu de unos cantos aprofundimentos temàticos dedicados a sos aspetos culturales, istòricos e sotziales de sas limbas.
Sos interventos prevìdidos
Mario Lucio Marras at a aprofundire su tema:
“S’importàntzia de sos modos de nàrrere e dìcios in sa traditzione tataresa”, marchende su ruolu de sa limba populare in sa mantenidura de sa memòria colletiva e de s’identidade culturale de su territòriu.
Immacolata Salis at a presentare s’interventu:
“Unu tributu a su sacrifìtziu vs su valore de su plurilinguismu”, una riflessione subra su significadu sotziale e umanu de sa diversidade linguìstica e subra s’importàntzia de su vìvere paris intre culturas e limbas diversas.
Daniela Masia Urgu at a presentare s’interventu:
“Dies internatzionales de sas Limbas: Limba Mama promòvida dae s’UNESCO (21 de freàrgiu) e Limbas europeas promòvida dae su consìgiu d’Europa (26 de cabudanni) – s’istadu de s’arte”
Ofrende una panoràmica subra sas punnas, subra sos puntos de vista e subra sas atividades internatzionales dedicadas a s’amparu de sas limbas.
In ocasione de sa serada ant a intervènnere:
Salvatore Taras (giornalista e prepostu a s’imprenta Is.Be)
Sas collaboradoras e operadoras linguìsticas-culturales Is.Be, chi ant a faeddare de s’isperièntzia issoro e contributos subra su tema: Lucia Sechi | Francesca Sini | Roberta Tola
Istràngia ispetziale de s’eventu at a èssere sa Dut.ra Beniamina Mercante de s’Universidade de Tàtari, chircadora impignada in sos istùdios subra sas limbas minoritàrias, chi at a presentare unu contributu dae su tìtulu: “Su cherbeddu bilìngue: evidèntzias neuroiscientìficas e implicatziones cognitivas”.
S’abboju rapresentat un’ocasione de importu de cunfrontu abertu a sa tzitadinàntzia, a sos istudiantes, a sos istudiosos e a totu sos chi reconnoschent in sas limbas unu patrimòniu culturale de tutelare e trasmìtere a sas generatziones chi ant a bènnere.
