Sighendi la suzzessu di l’attoppi dedicaddi a la tradizioni puetigga di li Candareri, lu Municipiu di Sassari prisenta una appuntamentu prùbbiggu nobu di lu prugettu in tre anni “Lu sassaresu: un’isthória ippiziari“, rearizaddu umpari a l’Isthitutu Camillu Bellieni, attibiddai finanziadda da la Regioni Autonoma di la Sardhigna cu’ li risuzi di L.R. 22/16 e L.R. e L.R.6/12 – Bandu TuLis 2025/2027.

La dì marthi dizassetti di fribbaggiu, da li quattru e mezu a li sei a parthi in sera, la Biblioteca Cumunari di Piazza Tola abarà a accuglì un attoppu dedicaddu a la tradizioni di lu Carrasciari sassaresu. Lu masthru di linga sassaresa Mario Lucio Marras abarà a accumpagnà uniguanti ischurani di lu so’ Laboratoriu, chi abarani a liggì Góbburi e firasthrocchi i’ la linga zittadina.

La gidea è un mamentu impurthanti pa’ turrà calche cosa a la ziddai: uniguanti ischurani di lu Laboratoriu di linga sassaresa abarani a dà bozi a l’identiddai sassaresa, dendi a la genti l’occasioni d’ischubià l’irunia e la sthruttura di li pàgini di la tradizioni di carrasciari. Un viaggiu in mezu a li paràuri e a li rimi chi fàzini cussì autentica la cultura sassarese.

Ca abarà a assé prisenti podarà gusà la mùsigga e la bozi di Beppe Dettori, chi abarà a assé la guarnizi sonora a lu chi si leggi.

● Candu: lu marthi dizassetti di fribbaggiu a li quattru e mezu a parthi in sera
● Undì: Biblioteca Cuminari in Piazza Tola in Sassari
● Info: istitutobellieni@gmail.com
● INTRADDA INDIBADDA