S'OPERADORA CHI FAEDDAT A SOS CADDOS
Custu l’at fata prus sensìbile e interessada a sos àteros, cosa de importu pro traballare onni die cun medas pessones diferentes, comente sutzedit in su traballu de operadora linguìstica e culturale e maistra.
Nàschida in Tàtari ma originària de Bunnànnaru, partzit sa vida sua tra custas duas biddas, posca de èssere istada unas cantas bortas fora dae sa Sardigna. Pro fortuna pro nois at detzisu de torrare a su logu suo e sa sorte sua e cussa de s’Istitutu Bellieni si sunt pòtidas intritzare. Semper cun un’iscanzada de risu e disponìbile, a dae in antis de sas novidades non si cuat. Antis l’agradat a iscobèrrere e isperimentare àmbitos noos, in particulare ligados a sa tecnologia, a sa comunicatzione e a s’ammaniadura de contenutos.
Amantiosa meda de sa vida in campagna, l’agradat su mare e mescamente su mundu de sos caddos, animales cun sos cales istat bene meda.
Sos ammentos suos prus bellos ligados a s’atividade de operadora culturale pertocant sos laboratòrios de sardu fatos cun sos pitzinnos: “no apo a ismentigare mai s’impinnu e sa cuntentesa in sos ogros de sos pitzinnos faghende sas atividades cun passione e curiosidade”.
Narat “Ispero chi sa polìtica, ma puru e mescamente totu sos sardos apant consièntzia de s’importu de sa limba, non si nde birgòngient, la promovant e la contivìgient semper”.