• 0 enrolled students
• Sardu

Su ricamu mescamente in Sardigna no est solu tècnica, ma un’espressada artìstica ligada a fruniduras simbòlicas. Custu laboratòriu istruturadu in 25 oras cheret dare su valore giustu a sa manualidade e a su valore culturale.

Laboratòriu de ricamu e cultura sarda
Unu caminu tra agu, natura e sìmbulos.
Amus a iscobèrrere s’arte antiga de su ricamu in Sardigna in unu caminu de esperièntzia de 25 oras.
Dae sa tècnica de s’isfiladu a sa pretzisione de su puntu antigu e de su puntu ladu impitados pro ammaniare bestimentas e trastes de sa traditzione de custu territòriu.

· Pro bìdere totu su programma: anda a "Programma"
· Pro ischire in ue si faghet e candu: anda a "Informatziones subra su cursu"
· Pro t'iscrìere imbia un'email a sociale@comune.padria.ss.it
· Pro informatziones subra de su laboratòriu podes agatare su lunis mangianu, in biblioteca, s’operadora de s’isportellu linguìsticu.

• Programma
• Curriculum
• Dotzentes
• Reviews

Su laboratòriu at sa punna de ligare su traballu fatu a manu cun una connoschèntzia teòrica prus funguda de su patrimòniu tèssile artisanale nostru.

• Sa pràtica de su ricamu: imparare sas tècnicas fundamentales pro ammaniare disennos de unos cantos trastes traditzionales fatos a manu.
• Dae su tusòrgiu a su filu de lana: amus a tratare sa filiera de sa lana sarda, dae su tusòrgiu a s’impitu suo in su tessìngiu.
• Sas tintas naturales: amus a iscobèrrere comente tìnghere su filòngiu cunforma a sa costumàntzia impitende prantas, raighinas e frùtora
• Su limbàgiu simbòlicu: anàlisi e significadu de sos disennos traditzionales de su territòriu e de su caminu de mudadura cara a s’indùstria chi at interessadu su setore tèssile artisanale cuasi isparidu de su totu in custu territòriu (Pàdria).

Lucia Sechi

Operatrice Culturale

Lucia collabora con l’Istituto da oltre 15 anni, come operatrice linguistica e animatrice culturale. Continua a leggere