Pro sa Sa Die de sa Sardigna, lunis 28 de abrile 2025 a sas 6 de sero, su Palatu de su Barone de Ossi at a istranzare un’avenimentu ispetziale dedicadu a Giuanne Maria Angioy, figura sìmbulu de s’istòria e de sa cussèntzia sarda.
Un’oportunidade de importu pro nde torrare a pizu sas raighinas de su territòriu nostru , meledare subra s’identidade culturale de su logu e dare valore a sa limba sarda.
S’initziativa est organizada dae s’Isportellu Linguìsticu de Ossi, coordinadu dae s’Istitutu Camillo Bellieni de Tàtari, paris a sa Biblioteca Comunale de Ossi.
PROGRAMMA DE SA SERADA
Angelo Fancellu Presidente de su Consìgiu Comunale de Ossi,
Saludos istitutzionales
Daniela Masia Operadora Is.Be.
Giuanne Maria Angioy in Ossi in “Quaderni di Storia n.3”
Anna Laura Pirisi Operadora Is.Be.
Presentada de su giassu internet “In sos Logos de Angioy”, chi est a disponimentu in sardu, italianu e inglesu: unu progetu pro promòvere sa limba e sa cultura sarda.
Maria Doloretta Lai Presidente Is.Be.
Cunsigna de sas targas de su caminu de turismo identitàriu “In sos logos de Angioy”, chi valorizat sos logos istòricos ligados a sa memòria comune de Ossi.
At a moderare s’abboju Francesca Sini, Operadora de s’Isportellu Linguìsticu,
chi at a ghiare su pùblicu in sos diversos interventos.
Un’ocasione de non pèrdere pro connòschere mègius sa figura de Angioy, intrare a intro de sos benes de sa cultura de Ossi e tzelebrare s’importàntzia de sa limba sarda.
Particulares de s’avenimentu:
📅 Data: 28 abrile 2025
🕕 Orariu: 6:00 de sero
📍 Lugu: Palatu de su Barone de Ossi
Ti isetamus pro cumpartzire umpare una serada de istòria, cultura e identidade!
