2° Prèmiu de Poesia Sarda in memòria de su fundadore de s’Istitutu Bellieni
S’Isportellu linguìsticu “Limba de vida 3” cun s’Istitutu Bellieni de Tàtari paris a su Comune de Uri e a sa Biblioteca Comunale “Giovanni Maria Cherchi” bandit su 2° “Prèmiu de poesia sarda Micheli Pinna“.
Un’initziativa dedicada a sa memòria de s’intelletuale sardu, dozente de filosofia, iscritore, espertu de limba e cultura sarda e fundadore de s’Istitutu Bellieni.
Ma prus de totu unu poeta, comente isse matessi amaiat èssere reconnotu.
Su cuncursu faghet parte de sas atividades a intro de su progetu “Limba de vida 3”, finantziadu cun sos fundos de sa legge subra sa tutela de sas limbas de minorias, chi bidet Ossi comente Comune capofila paris a sos comunes de Uri, Ùsini, Piaghe, Martis, Laerru e Cargeghe.
Regulamentu
Su prèmiu est partzidu in duas setziones: sa prima regardat sa Poesia in rima pro mannos (finas dae fora de sa Sardigna); sa segunda sa Poesia pro sas iscolas, aberta finas a sos dischentes de sa de III classes de s’Iscola Segundària de Primu gradu. Sas òperas depent èssere noas, iscritas in limba sarda, e de non prus de 40 versos.
Sas poesias depent èssere cunsignadas a sas Bibliotecas de sos Comunes de Ossi, Uri, Ùsini, Piaghe, Martis, Laerru e Carzeghe in sos oràrios de abertura, o imbiadas a sa segreteria de su cuncursu a sa mail susarduestintotue@gmail.com intro su 27 de Santandria de su 2026.
Sas poesias ant a èssere valutadas dae una giuria de chimbe espertos e su pàrrere issoro non si podet mudare.
Documentos e Mòdulos de Iscritzione
Podes isgarrigare inoghe sos file ùtiles pro partetzipare:
- REGULAMENTU prèmiu poesia 2026
- ISCHEDA DE ISCRITZIONE prèmiu poesia 2026 – SEZ A
- ISCHEDA DE ISCRITZIONE premiu poesia 2026 – SEZ B
Pro nde ischire de prus si podet iscrìere a susarduestintotue@gmail.com o sighire la pàgina Facebook e Instagram “Limba de vida 3” e su giassu internet de su Comune de Uri.
