Ippittacuru finari di lu laboratoriu di triatu in sassaresu pa’ genti manna

📅 Giòbi 19 di santandria di lu 2026
🕣 Ori 19:30
📍 Triatu di Ziddai – Corso Vittorio Emanuele II, Sassari

Lu Cumuni di Sassari e l’Isthituddu “Camillo Bellieni” (Is.Be.) prisentani “Tuttu s’acconza”, cummedia in dui atti ischritta da lu prufissori Mario Lucio Marras, masthru di linga sassaresa, e interpretadda da li parthizzipanti a lu Laboratoriu di Triatu in Sassaresu pa’ Genti Manna.

Autori: prufissori Mario Lucio Marras
Regia: Roberta Tola

La cummedia ischumenza drentu a la casa di una famiria sassaresa umiri di l’anni ‘50. La vidda di dugna dí è muvimentadda e briosa, animadda da li brei famiriari soriti e sani. I’ lu centru di li dischussioni vi so massimamenti li figliori e l’isciobari di vidda d’eddi, chi porthani ineivitabimmenti a cuntierri generazionari cuntinui e dibirthenti tra la mentariddai più tradizionari di lu babbu e di la mamma e li disizi moderni di li pizzinni.

È lu ritrattu di una Sassari genuina, undí la genti dischuti a bozi postha ma si vo be’. Chisthu ritmu famiriari, fattu di ragagli minori e prevedibiri di dugna dí, è ciambaddu e tuttu cantu vulthuraddu da un coipu di scena mannu e imprubisu, un fattu impribisthu chi ischonza l’equiribriu e lassa tutti canti a bocca abbertha.

Li coipi di scena sighini fatt’a pari finz’a l’ulthimu mamentu, mantinendi sempri altha assai l’attinzioni. Lu ritmu comicu no dazi tregua e l’attori abarani a fà una cumpagnia manna a lu pubbriggu, trazendiru tra la risa finz’a la fini di l’ippittaccuru.

L’ippittacuru rapprisenta lu mamentu finari di lu Laboratoriu di Triatu in Sassaresu pa’ Genti Manna, uffrendi a lu pubbriggu l’occasioni di assisthí a lu risulthaddu di lu caminu fattu da li parthizzipanti.

Finiddi li biglietti pa’ la primma iscidda di la dì 7 di santandria, si po prinutà pa’ la réprica di la dì19 di santandria.

No ti la pirdhì!

Biglietti

10 euro (pagamentu in dinà cuntarti)
Voni cumparaddi e ritiraddi i’ la sedi  (Is.Be): luni, màrchuri e vènnari da li 10 a la 1 di manzanu.

Online: istitutobellieni@gmail.com

🏛️ Lu prugettu “Lu Sassaresu: un’isthoria ippiziari” è finanziaddu da la Regioni Autonoma di Sardhigna a lu Cumuni di Sassari cu’ li fondi di la L.R. 22/18 e di la L.R. 6/12 – Bandu TuLiS 2025-2027, ed è affidaddu pa’ la rearizazioni a l’Isthitutu “Camillo Bellieni” (Is.Be.).