Francesca Sini

Nàschida in Tàtari ma Martesa finas a su miuddu, si partzit tra su biddighedda de s’Anglona e su cabu de logu de su Nord de sa Sardigna, unu pagu pro istùdiu, unu pagu pro traballu e unu pagu ca l’agradat.

Pustis de sa laurea in limbas, unos cantos esàmines de limba sarda, frecuentat, cuasi pro casu, unu de sos cursos nostros (e posca puru su Cursu pro operadores in s’àmbitu de sa limba e de sa cultura sarda) e a bellu a bellu diventat una de sas maistras prus apretziadas.

S’est beru chi su sardu est sa passione sua dae minoredda est beru puru chi no est s’ùnica: l’agradat a lèghere, su tzìnema, a fàghere teatru, sos cuntzertos, organizare acadessimentos culturales, essire cun sos amigos e fàghere yoga. In finis ischit fàghere cosas medas.

A propòsitu, sa’A-social media manager de issa narat “fàghere sos vìdeo cun Francesca est bellu de a beru! Benit semper preparada, non faddit mai e si bidet chi s’agatat bene!” Francesca no la pensat gasi, ma faghimos·li coràgiu.

S’ispera sua prus manna est chi sa limba, s’istòria e sa cultura sarda potzant diventare matèria de istùdiu a intro de sas iscolas. Nos l’auguramos unu pagu totus.