Uno standard ortografico del sassarese? É quasi realtà. 4 incontri per discuterne con la popolazione.

Su progetu pro sa promotzione de s’ammaniadura de un’istandard ortogràficu de su tataresu, de su tabarchinu e de su gadduresu(de su cale aiamus giai faeddadu incustu artìculu) finantziadu dae sa RAS a saComuna de Tàtari cun sa Lege 22 de su 2018, est a curtzu a si congruire.

Su grupu de traballu, formadu dae sos linguistas Maurizio Virdis, Mario Marras e Riccardo Mura, in custos meses at traballadu a una proposta de s’istandardchi at a èssere cumpartzidu in sos bator adòbios a sos cales est cumbidada totu sa populatzionede sos territòrios interessados: Tàtari, Sossu Posthudorra e Isthintini.

Pro chistionare e cumpartzire sa proposta b’ant a èssere poetes, iscritores, cantantes folk e operadores de su teatru in tataresu, in prus de, a manera lògica, su grupu de traballu e sos coordinadores Micheli Pinna e Maria Doloretta Lai de s’Is. Be.

In sos adòbios est prevìdida una dibata pro valutare reatziones, propostas e iscumbatas, pro custu cumbidamus totu sos tzitadinos a partetzipare.

Calendàriu de sos adòbios

19 de trìulas– Tàtaria sas 17.00 in sa Sala Cunferèntzias Assessoradu a sa Cultura, Largo Infermeria S.Pedru
20 de trìulas – Sossua sas 10.30 in suPalatzu Baronale, carrera Cumbentu, 10
20 de trìulas – Posthudorra a sas 18.30 in sa Sala Filippo Canu, Cursu Vittorio Emanuele II, 103

21 de trìulas – Isthintini asas 10.30 in sa Sala Consiliare, carrera Torre Falcone, 5.

Sunt cumbidados totu sos tzitadinos.
Vi Bos isetamus!

isbe

Iscrie ite nde pensas

Il tuo indirizzo email non sarà pubblicato.